|
خلاص ماعندي فلسطين .. وعراق
احبتي هذة القصيدة الأسطورة للشاعرة الأسطورة ايضا
نيــــــــــــــــافه
انظروا اليها من زاويه اخرى
الحبر دمعاته على خد الاوراق
>>>>> والشعر .. ( ناظر وقف ) .. وانا يتيمه
عندي دموعٍ نزفها .. شل الاحداق
>>>>> ارجوك عطني خد .. واعطيك ديمه
عطني ورق .. وارسم لك آفاق ، وآفاق
>>>>> واخلي الابيات .. دقه قديمه
صوره .. ثلاث ابعاد .. والوجد عملاق
>>>>> حطم شوارع وصلنا المستقيمه
اخلت مدينتنا .. خرافات الاطباق
>>>>> وحرب النجوم افضت بنا للهزيمه
الكون واسع .. والفضا . حولنا ضاق
>>>>> واربع جهات الكون .. صارت خريمه
الوقت عودنّا .. على ليّ الاعناق
>>>>> الضوء خافت .. والفراشه زعيمه
وإللي .. نذر كحل اجنحتها .. للاحراق
>>>>> توج على العرش .. وتنحا خصيمه
{ هذي احاديث الجوارح للاعماق }
>>>>> حد الحرابه .. في الزمن من يقيمه ؟
متى نطبقها قوانين الأغراق ؟
>>>>> وإلا .. متى التدليس يصبح جريمه ؟
الخوف مستشري .. والاحباط سبّاق
>>>>> والشوق عمله .. مالها اي قيمه
البارحه .. في صومعة فكري .. عناق
>>>>> بين الليالي المرضعه والعقيمه
مدري .. سكينة فكر في غار الاشواق ؟
>>>>> وإلا طلاسم مفرداتٍ سقيمه
تناولت صدري .. تلاوين الاشراق
>>>>> لين امتلى فكري .. شعاع وعزيمه
انا خذيت من البحر .. شبه ميثاق
>>>>> خلاني انصب فوق الامواج .. خيمه
خلاص ماعندي فلسطين .. وعراق
>>>>>عندي بنو العباس .. عزم وشكيمه
ياقلب .. لاتوله ولا عاد .. تشتاق
>>>>>الحب .. جلاد القلوب .. الكريمه
الحب مايعطيك .. بعضه وينساق
>>>>> إلا لاجل ياخذك .. كلك غنيمه
__________________
__________________
|