عنوان الرابط المتبادل
حول الروابط المتبادلة
عاجل ....
السلام عليكم جميع ..؟!
وكل عام وانتم بخير
واسف على عنوان الموضوع حبيت اجذب اكبر عدد ابي ردود عيار ثقيل
بصراحة وبدون مقدمات راح ادخل بصلب الموضوع ؟!
واللي يهمني هو مشورتكم ورأيكم واتمنى منكم الرأي السديد لأن الوضع خطير وصعب ومتعبني نفسياً
ونفس الوقت بيكون موضوعي عبره لأمثالي وللناس اللي تعيش في سبات الاحلام .
بداية ولا اخفي عليكم انا لي سوابق في الغزل وامتهان الحب لاني املك العوامل المساعدة للشي هذا من مال وجاه وشكل وهذا كله في سبيل المتعه والتسليه وبيوم من الايام طبيت مطب من العيار الثقيل
( دخلت قصة حب عميقة ) لدرجة الكبير والصغير يدري فيها .
وكانت البداية بيوم من الايام جتني رساله محتواها يافلانه اتصلي فيني ..؟؟!! طبعا شفت الرساله وضحكت بيني وبين نفسي قلت يمكن هذا مغازل ومضيع برقم خويته فيني وعدت على خير السالفه .
بعدها بيومين جاني اتصال من نفس الرقم بس وقتها نسيت سالفة الرساله المهم رديت طلع لي صوت بنت هليت وقلت نعم قالت انت فلان قلت ايه من معي قالت معليش كنت غلطانه وصكت بوجهي ..؟؟!!
طبعا انا ثقلت عن الموقف ولهيت في ايامي وعقبها بفتره رجع لي الاتصال وهنا انا عزمت في نفسي اشوف وش السالفه اللي تصير عموما جريت البنت بالكلام والحكي الطويل واللي صار انها وحده تصير لناس اعرفهم وطبعا سارقه رقمي من هالناس ومفهمتني ان رقمي مثل رقم خويتها طبعا اكيد مامشت علي ومشيتها بمزاجي .
عموما اللي حصل اني دخلت مع هالبنت ومع الايام تطورت العلاقة وبدت الميانه ومن خلال توطد العلاقة عرفت انها متملكه ولشخص اعرفه من بعيد واسمع عنه بإن سمعته مب زينه عموما انا تفأجئت ولكن شراهتي في معرفتها وفعلا دخلت القلب حاولت اني اصد وابتعد لان البنت بينت وجهت نظرها في الشخص اللي ماخذته انها مغصوبه عليه عن طريق امها ومن هنا بدت اشرعة الاستمرار او الانسحاب
وحاولت ابتعد واصرف نظر ولكن الشيطان شاطر والقلب ومايهوى وفي محاولتي بأني اقصر الموضوع صرت ماارد عليها واطنش وفعلا نجح هالتصرف لفترة بسيطه ورجع الاتصالات منها بس هنا تغير الموقف لانها خلعت ملكتها ...؟!
وبعد جدل ونقاشات واللي طلعنا منه اني مااكون مسؤول بهالشي لانه مايجوز ابد اني اكون السبب واحلفت مب انا السبب وانها ماتبيه من قبل لا تعرفني ( ورجعت المياه ) ...؟!
عموما وقتها ماادري وشلون قبلت على نفسي لكن الحب اعمى ولان البنت جميله بالحيل وغير كذا اسلوبها عجبني كثير ومن العيار الثقيل في الشخصيه غطت على سلوم صحيحه في منهج الزواج وعلى عيوب اكتشفتها من تالي .
ومن هنا بدت رحلة الخطوة لمليون ميل .. طبعا صرنا نحكي كثير واللكل عرف عني وعنها من اهليتي اما اهلها لا في البداية وتمت هالعلاقه 5 سنين ..
ومع مرور الوقت بدت عيوبها لي تطلع من كذب واساليب ملتويه وغير منطقيه ولكن كنت اطوفها بحكم اني راعي سوابق وان هالشي يخليني اشوف صور غيرها فيها وصرت اقنع نفسي بأني غلطان بحكمي عليها ومع فرضية الواقع كانوا خطاب على كلامها يطقون باب بيتهم وكنت افرض عليها اننا ننهي العلاقة بحكم انا مب مستعد وكان السبب من وجهة اهليتي برفضها تماما لموضوع الزواج مهما كلف الامر فصرت اصر على نسيان العلاقة وتشوف نصيبها الانسب ولكن استمرت العلاقة واصرت على استمرار العلاقة اللي راح نتوجها بزواج .
الخلاصة : بعد هالعلاقه اللي استمرت لخمس سنين ووقت طويل من الحب والتعب وووووو الخ
صار في خبر لأمها بان بنتها على علاقة فيني وطبعا مثل ماقلت بيني وبين هالبنت علاقة قريبه( نسب ) واكيد اكيد صار اللي صار من جلجلة وجعجعة ومشاكل وانتهت بوقتها وكتمت الام عن بنتها .
المهم بعد فتره طقيت باب بيتهم واللي صدمني اكثر ردت فعلهم بالرفض التام وهذا بعد مافرضت اقتناعي بحياتي لاهلي واصريت بزواجي منها يتم من اهلها الرفض لا والتام بعد طبعا ابوها مايدري بالعلاقة ابد ومايعرفني إلا اللهم اني جاي خاطب .
ولا فيني اي سلسلة من اسباب تخليني غير مناسب للزواج . غير انها من قبيلة وانا من قبيلة
عموما بعد هالكلام وهالفتره هاذي انتهت علاقتي في البنت من ناحيتي ولكن من ناحيتها صارت شبح يطاردني لدرجة اني عفت كل شي بحياتي وصارت جحيم وكانت ردود فعلي معاها في البدايه في تفاهم وان وضعنا صعب جدا ولكن وش يسد العواصف اعطيتها العين الحمراء وكنت اكتوي بداخلي ..
وابتعدنا فتره طويله بالحيل ... ولكن كل فتره وفتره القى منها رسايل واتصالات ولكن ماارد الين مره طلبت انها تكلمني ضروري وكلمتني ووين مايجيك من كلام طبعا البنت تحبني واكيد وانا بعد بس وش فايدة الحب والرجاء خايب وحاولت تأنبني في اني اصبر وارجع اخطبها ولكن وشلون ومثل ماذكرت الموضوع صعب وصار اصعب اكثر بعد خطبتي لها والاكثر صعوبه والدتي اصرت على زواجي من اختيارها وإلا غضب الله علي منها وانها تتبرئ مني ليوم الدين طبعا يااخوان وياخوات من يرضى بعقوق الوالدين واكيد فهمتها هالشي ولكن صارت لي عثرة طريق في تأنيب ضميري لها والسنين اللي بينا والعشرة هذا غير المشاعر .. وبعد هالسالفه كلها بـ 6 شهور ملكت على اختيار الاهل يعني زواج تقليدي وبصراحه انا مرتاح للبنت وخصوصا ان هالبنت تعرفني من قبل وعرفت بموضوعي مع الحب لان الموضوع كان منتشر في بيئتي الاجتماعيه المقربة جدا وكانت مقربه جدا لان ولد عمي مااخذ اختها فلازم ينعرف موضوعي وطبعا تفأجات بطلب اهلها ان موضوعي منتهي ورديت ان موضوعي منتهي وانتهى واتتممت موضوع الخطبه وملكت الحمدالله واكتشفت من تالي بإان خطيبتي تكن لي مشاعر من سنين يعني حب من طرفها فقط ولا صار بيوم بينت هالشي اصلا اانا مااعرفها إلا من خطبتي لها يعني شي حلو وطبعا قدرت احتوي البنت ومشاعرها واسهمت بتعزيز التفاهم بينا وحسستها لدرجة ماكان لي ماضي واهي تعرفه والشهاده لله مافي اي شي يعيبها ابد وهذا شي حلو ....؟؟!!
وصار لي الان خمس شهور متملك وزواجي بعد شهر والمشكلة اني للحين تعبان نفسيا من حال البنت اللي تركتها ولا ودي اخرب حياتي في ماضي صحيح وعلي اني اكمل مشواري ونصيبي بس ماادري اللي ابي اعرفه كنت غلطان بحق البنت اللي كنت احبها وهل انا غلطان باللي سويته ..؟!
اتمنى من اللكل يقول رأيه بكل صراحه وانا مستعد لاي سؤال لاني بجد تفكيري كله في البنت اللي تركتها في حيثيات معينه وذكرتها في اعلى الموضوع ...؟!
وش رأيكم اسف على الاطاله ..؟
.gif "زعلااان على الأخر")
مو شي واحنا ياسعوديات ناقصين ياخوي .gif "بصدمك")
والله العالم مستلمنا استلام 
المشاركة الأصلية كتبت بواسطة ام راشد الفيفي
