منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 32
Like Tree0Likes

الموضوع: مشكلتي مع بنت عمي وخطيبتي (اووووووف)

  1. #1
    كاتب متميز
    تاريخ التسجيل
    02-08-2006
    المشاركات
    185

    مشكلتي مع بنت عمي وخطيبتي (اووووووف)

    السلام عليكم ورحمة الله وبركاته
    قصتي منذ البدايه نحن نعيش بحي جميع العائله موجوده فيه من اعمام وخيلان المهم
    عندنا موجود في عائلتنا الحجز بنت العم لولد العم
    ويوجد بنت عمي اكبر مني في بضعة شهور ومن يوم انا صغير يقولون فلانه لك وانت لها اهلي رافضين الكلام هذا وماعمرهم تكلموا معي فيه ولا مع احد
    لكن على خلاف ذالك اهل بنت عمي وصاحباتها دايم يقولون لها فلان حبيبك وهو زوجك وبكذا البنت كبرت على حبي وانا كنت عايش حياتي بدون مافكر بهذا الكلام وصارت البنت في اوله ثانوي تلفت انتباهي لها
    مع العلم انه الاختلاط عندنا مرفوض بين بنت العم ولد عمها
    وبدئت قصة حب عندما اكثرت من الاتصال على جوالي باعذار غبيه وغير مقبووله
    (مره تسال عن اخوها ومره عن ابوها ومره الساعه كم ومره مين عندكم )
    وكنت انا في فترة مراهقه
    فصدقت انه الذي اشعر به حب ولكن انما هو شعور مراهق اعجب في اول بنت يراها امام عينه
    وانا لم كنت اعرف عنها غير اسمها بسبب العزله يعني لا اسوب تفكيرها ولا اخلاقها
    المهم لااطول عليكم
    صار بينا اتصلات لمدة ستة اشهر فعلا حبيتها
    (هذا الكلام قبل ست سنوات)
    لكن بعدها بداء الكره من تصرفاتها وهي ان تتصل عليه من جوال اخوانها وتسوي حركات في الشارع اذا تقابلنا ومع الشباك تناظر واذا ركبت معي السياره (طبعا برفقة اخواتي)تحاول لمس رقبتي ممن الخلف
    انا اشتد كرهي لها وقلت مابيك وانا اكرهك
    وصارت تتصل وانا اتجاهل
    وابلغت اهلها بشكل غير مباشر انا ماراح اتزوج بطريقة بنت العم لولد عمها
    وهي من القهر راحت تزوجت واحد كانت تسبه وتكره
    بس تبي توريني انها معاد اهمها
    المهم تزوجت
    وحظرت زواجها وانا فرحان من انه انفكيت منها
    وجابت بنت
    المشكله انها لازالت تضايقني بحركاتها السابقه
    وصارت تشوه سمعتي بين جماعتي
    اني كنت على علاقه فيها
    وصارت مشاكل بيني وبينهم
    بس انا انكرت هذا مو المشكله
    بعدها انا قررت اخذ بنت من برى بعد الفضيحه الي سوتها ليه
    وفعلا خطبتة من ناس بعيدين عنا
    وفي فترة الخطوبه عندما اكلم خطيبتي عن من تعرفين من اقاربي
    قالت بنت عمك
    قلت ويش عرفك فيها
    قالت اتصلت على قريبتي تعرفها من بعيد تستفسر عن الكلام الي سمعته صح ولا لا
    واخذت رقم خطيبتي
    واتصلت عليها
    تبارك وتقول نبغى نصير اصحاب
    انا عارف ايش قصدها من هذه الحركه هي تخريب بيني وبينها
    والبنت اعترفت لوحده من خواتي انها تحبني ولا يمكن تنساني
    المشكله انا بكره اذا تزوجت راح اسكن عند اهلي يعني بنت عمي راح تصير جارتنا
    وراح يتقابلوا كثير
    ويمكن راح تسوي حركات قدام زوجتي وكذا راح تشك وهذا هي الي تبغاه
    انا ايش اسوي
    احذر خطيبتي منها ؟؟؟ بس كذا راح تشك وانا ماودي تعرف بسالفه القديمه
    اسكت؟؟؟؟؟؟؟ بس كذا راح تسوي اللي في راسها
    وانا كلمت خواتي وكلموها بس من دون فائده

    انتظر الحـــــــــــــــــــــــــــــل
    انا في فترة خوبه والى الان مسيطر على الوضع بس بكره الخوف وارد بشكل كبير

    معليش على الاطاله
    تحياتــــــــــــــــــــي




  2. #2
    مــــبـــــدع الصورة الرمزية نجدي عز وفخر
    تاريخ التسجيل
    25-10-2008
    المشاركات
    450

    رد: مشكلتي مع بنت عمي وخطيبتي (اووووووف)

    متابع




  3. #3
    مــــبـــــدع
    تاريخ التسجيل
    30-08-2005
    المشاركات
    467

    رد: مشكلتي مع بنت عمي وخطيبتي (اووووووف)

    اشرح الوضع لخطيبتك افضل

    بكل هدوء صدقني راح تتقبل الوضع لما تسمع السالفه منك

    افضل من انها توصل لها عن طريق ثاني

    وشكلها بنت عمك ما تبي تجيبها لبر

    فالا فضل انك تقول لخطبتك السالفة وترتاح وتريح زوجتك في المستقبل لما تكون عارفه انت ايش وهي ايش قصدها

    خلي الثقه بينك وبينها من اول حياتكم افضل




  4. #4
    كاتب متميز
    تاريخ التسجيل
    02-08-2006
    المشاركات
    185

    رد على: مشكلتي مع بنت عمي وخطيبتي (اووووووف)

    مشكوره اختي ام ايه
    بس انا في نظر خطيبتي ملاك الحين
    واذا قلت لها راح اطيح من عينها وراح تشك في كل حركه اتجاه بيت عمي
    وراح يدخل الشك بينا
    وراح تحط بنت عمي في راسها وتحقد عليها وانا مابي لها مشاكل مع الغبيه هذيك لانها شرانيهااا
    وبعدين اختي
    هي سالتني في بداية الخطبه
    اذا كان لك علاقات سابقه او انك حبيت قبل كذا؟
    وانا انكرت طبعا وقلت اول وحده اعرفها هي انتي
    وماكنت حاسب دخول هذيه بالقصه
    وتبغاني اعترف لها بعد مانكرت انا اشوفها صعبه




  5. #5
    مشرفة سابقة الصورة الرمزية ملثونه بث كلي احثااث
    تاريخ التسجيل
    28-10-2008
    المشاركات
    4,470

    رد: مشكلتي مع بنت عمي وخطيبتي (اووووووف)

    هي ليش تحاول تخرب بينكم
    كنت واعدها بالزواج واخلفت وعدك؟ولا ايش؟
    وحتى لو كان هذا السبب
    خلاص هي الآن تزوجت وعندها بنت
    المفروض انها تطوي صفحة الماضي
    وتعيش حياتها
    وتخليك انت بعد تعيش حياتك
    يعني تو الآن تبي تصير صديقه لخطيبتك!
    انا اقترح عليك من اولها اذا يضايقك ان زوجتك تتواصل معها
    انك تصارح زوجتك وتقولها ع السالفه ؟؟وتحاول انها ماتحتك معها كثير
    واذا ماكفت بنت عمك عن حركاتها
    وصل لها من يهددها انكم راح تخبرو
    اهلها او زوجها بتصرفاتها
    هذا اذا انت متأكد انها تحاول تفسد بينكم
    والله يوفقك
    ودعولي انا بعد بالتوفيييييق




  6. #6
    كاتب متميز
    تاريخ التسجيل
    02-08-2006
    المشاركات
    185

    رد على: مشكلتي مع بنت عمي وخطيبتي (اووووووف)

    اخت ملثونه مشكوره على المرور

    ايه انا كنت واعدها بالزواج

    بس اذا بلغت اهلها راح انكب واورط نفسي اكثر من هي خربانه

    وهي عارفه الشي هذا يعني ماراح ينفع التهديد معها
    وانا كلمت خواتي وكلموها بس من غير فايده
    تصارخ عليهم وتكابر وتقول ويش ابغابه وحركاتها غير كذا
    الله يوفقك بالزوج الصالح
    قولوا
    اميـــــــــــــــــــــــــــــــــــــن




  7. #7
    مشرفة سابقة الصورة الرمزية ملثونه بث كلي احثااث
    تاريخ التسجيل
    28-10-2008
    المشاركات
    4,470

    رد: رد على: مشكلتي مع بنت عمي وخطيبتي (اووووووف)

    اقتباس المشاركة الأصلية كتبت بواسطة شاب سعودي مشاهدة المشاركة
    مشكوره اختي ام ايه
    بس انا في نظر خطيبتي ملاك الحين
    واذا قلت لها راح اطيح من عينها وراح تشك في كل حركه اتجاه بيت عمي
    وراح يدخل الشك بينا
    وراح تحط بنت عمي في راسها وتحقد عليها وانا مابي لها مشاكل مع الغبيه هذيك لانها شرانيهااا
    وبعدين اختي
    هي سالتني في بداية الخطبه
    اذا كان لك علاقات سابقه او انك حبيت قبل كذا؟
    وانا انكرت طبعا وقلت اول وحده اعرفها هي انتي
    وماكنت حاسب دخول هذيه بالقصه
    وتبغاني اعترف لها بعد مانكرت انا اشوفها صعبه
    بالعكس الافضل انك تقولها قبل تعرف من احد غيرك...لان تعرف بعض الناس يزيدون بالكلام
    انت قولها مثلا ان اهلك كانو مجبرينك عليها او ان بنت عمك هي الي تتقرب منك لانه اهلها معشمينها فيك وان حركات مراهقه
    يعني دور لك مخرج المهم ماتخبي عنها بعدين خطيبتك المفروض تقدر الوضع
    لانه تعرف سلوم بعض الناس الي يجبرون الولد انه ياخذ بنت عمه ...وبنت عمك اللحين متزوجه يعني زوجتك راح تكون مطمنه ومارح يضرها الموضوع بس لااازم ماتخبي عنها ..اذا متأكد ان بنت عمك راح تتكلم بالسالفه ..يعني الافضل تكون منك
    وسلامتك




  8. #8
    كاتب متميز
    تاريخ التسجيل
    02-08-2006
    المشاركات
    185

    رد على: مشكلتي مع بنت عمي وخطيبتي (اووووووف)

    الله يسلمك اخت ملثونه
    بس السوال متى اكلمها اذا اخذت برايك في فترة الملكه او بعد الزواج؟؟؟
    مع العلم انا الان مسيطر على الموضوع في فترة الملكه
    ولم يكن غير هذيك المكالمه بينها وبين بنت عمي
    وبس




  9. #9
    عضو نادي الألف الصورة الرمزية (( طيف الحب ))
    تاريخ التسجيل
    26-01-2008
    المشاركات
    2,481

    رد: مشكلتي مع بنت عمي وخطيبتي (اووووووف)

    أنت أخطأت لما كذبت على خطيبتك بأن لك علاقه سابقه ببنت عمك00أنا فاهمه قصدك وليه انت ماقلت الحقيقه عشان ما تذكر لها حركاتها ووعدك لها 00فاهمه هالشي لكن :::خطيبتك بكل سهوله ممكن تعرف أن كانت لك علاقه ومشروع زواج مع هالبنت :::سواء من أي شخص من أهلك أو من بنت عمك نفسها 00وساعتها راح تصير بعينها كذاب 00
    برأيي 00المفروض قلت لخطيبتك 00أن كان فيه مشروع زواج بينك وبين بنت عمك 00لكن بأسلوب 00يعني ماله داعي تقول لها حركاتها النص كم 00قول لها الموضوع ومافيه ان البنت كانت مسميه لي وانا لها من صغرنا ولما كبرت حسيت ان مو هي البنت اللي تناسبني 00وتوضح لها ان البنت حبتك لكن انت لأ وبنت عمك منقهره لأنك ما خذتها 00ومن هالباب تقول لخطيبتك أنها تنتبه منها وتحاول ما تسوي علاقه معها 00
    يعني بكذبك على خطيبتك انت اللي حطيت نفسك بهالموقف .

    وأذا تحس ان خطيبتك متفهمه وواعيه وماراح تاخذ عنك فكره انك كذبت عليها وأنها بتاخذ الموضوع بحسن نيه منك توكل على الله وقول لها ((وتسمع منك أنت باعتقادي أفضل من أنها تسمع من غيركّ))وقتها بتكون بمطب 00
    الله يوفقك.


    >> ربنا هب لنا من أزواجنا وذرياتنا قرة أعين واجعلنا للمتقين اماما<<




  10. #10
    كاتب متميز
    تاريخ التسجيل
    02-08-2006
    المشاركات
    185

    رد على: مشكلتي مع بنت عمي وخطيبتي (اووووووف)

    مشكوره اختي طيف الحب
    والله كلامك كله حكمه بس السوال
    متى اقولها في فترة الملكه ولا بعد الزواج؟؟؟؟؟؟؟
    وهل انا افتح معها الموضوع ولا انتظر ينفتح الموضوع؟؟؟؟؟؟؟؟؟؟؟




  11. #11
    تم ايقاف العضوية من قبل الأدارة
    تاريخ التسجيل
    06-10-2008
    المشاركات
    22

    رد: مشكلتي مع بنت عمي وخطيبتي (اووووووف)

    ماعندك غير تمسك بنت عمك وتكفخها وتدبجها
    لين تعرف ان الله حق وتكب هبلشتها على خلق الله


  12. #12
    كاتب متميز
    تاريخ التسجيل
    02-08-2006
    المشاركات
    185

    رد على: مشكلتي مع بنت عمي وخطيبتي (اووووووف)

    مشكور اخوي اخوي ضعف على المرور
    لو انها بالتكفخ كان انهيتها من زمان
    بس المشكله انها بنت مو ولد
    علشان تكفخه




  13. #13
    عضو نادي الألف الصورة الرمزية (( طيف الحب ))
    تاريخ التسجيل
    26-01-2008
    المشاركات
    2,481

    رد: مشكلتي مع بنت عمي وخطيبتي (اووووووف)

    لا يا ((شاب سعودي))
    لازم تكلم خطيبتك هالفتره وقبل الزواج .البنت تحب الرجال الواضح والصريح من البدايه .وانت تضمن ان بنت عمك ما تسويها وتقول لخطيبتك عن علاقتكم قبل ما يتم زواجك؟؟؟لا ويمكن تزيد ملح وبهارات وتنفر خطيبتك منك .
    نصيحتي انك تقول لها ...وياحبذا لوقلت لها بجلسه حلوه ورايقه ولابد تتأسف لخطيبتك ...وتبين حبك لها وأنك ماتشوف غيرها ...وطبيعي رايحه تسألك ليه خبيت عليها ...قول لها خفت تغارين ..وجيبها بأسلوب مزح مثلا وقولها هالكلمه بالذات((خفت تغارين ياقلبي )) وانت تحرك شعرها او وأنت لامس ذقنها ..ويدك بيدها00وبنظرات كلها حب ..صدقني هالحركات تأثر بالبنت .وقول لها أنا راجعت نفسي وقلت مايجوز أني ما أقول لك .
    الا كم عمرك؟؟وعمر بنت عمك؟؟وعمر خطيبتك؟؟




  14. #14
    كاتب متميز
    تاريخ التسجيل
    02-08-2006
    المشاركات
    185

    رد على: مشكلتي مع بنت عمي وخطيبتي (اووووووف)

    اختي طيف
    انا عمري 23
    وعمري خطيبتي الغاليه الله يحفظها 19
    مع العلم انه يمكن ان تطول فترة الخطوبه سنه او سنتين لصغر سن العروسه
    (راي اهلها)

    وعمر بنت عمي 23 اكبر مني بشهور وعمر زوجها 24
    وهي تزوجت بنت عمي ولد عمي وعمرها 19




  15. #15
    عضو نادي الألف الصورة الرمزية (( طيف الحب ))
    تاريخ التسجيل
    26-01-2008
    المشاركات
    2,481

    رد: مشكلتي مع بنت عمي وخطيبتي (اووووووف)

    تصدق عطيتك هالعمر 00من استفهاماتك
    وعمر خطيبتك مناسب للزواج موصغيره مره 00بس يمكن أهلها موعادتهم يزوجون بناتهم بهالعمر .
    على العموم الله يوفقك بزواجك 00ويكفيك كيد بنت عمك .

    وعلى فكره أشك أن بنت عمك جاده بعلاقتها مع زوجها 00يعني زي ما قلت عشان توهمك انك مو هامها 00وأكيد تعاني فراغ عاطفي أو ينقصها شي مع زوجها 00والا بنت تتزوج شاب كويس ويحبها ويخاف الله فيها 00ولا ينقصها شي معه ليه تسوي كذا معك؟؟وتحاول تخرب عليك .
    الله يهديهاوتعقل وتهجد وتحل عن طريقك .
    وموفق ان شاء الله.




+ الرد على الموضوع
صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك