منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 24
Like Tree0Likes

الموضوع: زوجي ممل .............ابيه يتغير ......دخلو قولو لي شلون

  1. #1
    مــــبـــــدع الصورة الرمزية سر الوجود
    تاريخ التسجيل
    17-01-2005
    المشاركات
    207

    Angry زوجي ممل .............ابيه يتغير ......دخلو قولو لي شلون

    السلام عليكم ورحمة الله.........راح اعرض عليكم الحاله الي امر فيها وانتوا قولوا لي وش اسوي...........

    انا امرأة متزوجة صار لي 6 سنوات ...........والحمد لله انه رزقني بزوج يحبني ويخاف علي وطيب وايد معاي ولو اطلب اي شي يقدر عليه ينفذه لي مايقصر علي....................................لكن مشكلته هي انه مايفهمني وغير رومانسي ...وانا حساسة شوي ................يعني مستحيل يدخل البيت وفي يده شي خاص لي من غير انا مااطلب.......ولما يطلعنا يحب ان يدور فينا بالسيارة من مكان الى مكان من غير ماننزل دايما يكون متملل وما يحب يمشي .........وفي البيت دايما يبي ينام ...........وانا كنت دايما اسوي له مفاجآت وحركات وكان يفرح لكن لما اوقف مااسوي شي عادي مايسأل ليش معاد تسوين لي مثل قبل .........وما يهتم بمظهري يعني لابسه وكاشخه او بثياب البيت او عساني انام بثياب الطبخ مايقول شي............احس انه مثل الشياب والعجزة ممل مع ان عمره 28 وما يحب يغير من الروتين مع اني احاول اني اطلع نفسي معاه من الروتين بس في كل مره احس بأحباط لاني احس ان بروحي وهو لا حياة لمن تنادي الروتين والملل مايهمه فرحان بهالعيشه ..............مع اني صارحته اكثر من مره ...وقلت له ابي اعيش حالي حال الي من سني ابي زوج يحس فيني ويهتم بي وحنا اذا ما سوينا الي نبيه وحنا شباب متى راح نسويه.............ويقول لي خلاص فهمت عليج ونشالله راح اتغير واهتم فيج لكن مافي فايده...............وانا هالايام حاسه ان وصاله حدي معاه ودايما متضايقه منه واقل شي يقوله افهمه غلط واعصب عليه ومتضايقه بعد من نفسي لاني احاول اشوف الايجابيات الي فيه وتغاضه عن السلبيات لكن ماني قادرة..................ارجوكم قولوا لي وش اسوي معاه لاني فعلا مليت وابيه يتغير ..




  2. #2
    كاتب متميز الصورة الرمزية طيف الحنين
    تاريخ التسجيل
    18-02-2005
    المشاركات
    120

    تعوذي من الشيطان
    ولاتخلي مدخل الشيطان بينكم

    احمدي ربك انك وصلتي لشخص مثل هلمواصفات

    والله يااختي في غيرك يتمنون بس يوم يعدي بدون سب ولعن وضرب

    لكن انتي الحمدلله زوجك يحبك ويتمنى يسعدك ,,واكبر دليل مصارحتك له وتقبلة لهشي

    انتي زعلانه منه ومتضايقة وتاخذي كل شي بعصبية,,,, زين فكري شوي لو لاقدر الله بلي تسوينه زوجك قلب عليك
    ماراح تندمي وتتمني يرجع مثل ماكان بس ماتسمعي منه كلمة تجرحك,,

    ومعروف الشخص منا مايملى عينه شي
    وهشي من الشيطان لاتخلية ينتصر عليك

    والله يااختي انا بقولها لك

    اذا ربي راد وتقدمو لي شخصين واحد عمرة بالخمسينات وواحد بسني بالعشرينات
    راح اوافق بدون اي تردد على صاحب العمر الاكبر ,, مايهمني شلون يكون المهم يكون فيه طيبة وحنان
    وانا بأفعاالي بغيرة مرة مرتين ان شاءالله عشرة
    وهشي اتمناه منك ,,لاتهدمي حياتك عشان اشياء تندمي عليها بعدين
    وانتي الحين زعلانه او بالاصح ماخذه على خاطرك من زوجك
    هو حيلاحظ هشي انتي اغتنمي الفرصه وقوليلي على الي ببالك بشكل غير مباشر
    ومن نقاط ضعفة ادخلي له ,,صدقيني حيتأثر وبيتغير
    خلي ببالك مافي شي يجي مرة وحده ,,ممكن يتغير اول يومين ويرجع مثل ماكان بس بإسلوبك تقدري تمسكي بيده وتساعدينه
    لان الرجال عند زوجته مثل الطفل اعطية كل شي وكوني له الام والاب والصديقه وراح تلاقيه يستجيب وحده وحده لك

    وان شاءالله ربي يسعدك ويوفقك
    ويريح بالك




  3. #3
    مــــبـــــدع الصورة الرمزية رايقـــة
    تاريخ التسجيل
    10-06-2005
    المشاركات
    264

    تفائلي بالخير ،،،،،،،،،،، تجدية

    وربي يكون في عونك ويصلحلك زوجك وذريتك






    لك نحتسب يالله والموت مكتوب= يامنزل الايه تبارك والاحزاب

    هذا القدر يسرق احاسيس وقلوب= لاالحزن يرحمني ولاالشوق غلاب

    مات الفهد وان مات ماهوب محجوب=درع الوطن ريف القرايب والاجناب

    له فالوفى والعز نخوه وماجوب= فيه القصايد والمدايح والالقاب

    القايد العادل من الشعب محبوب=فقلوبنا يبقى ولومات ماغاب

    فقيدتن يحسب على الشعب محسوب=فهد ابوفيصل وفكاك الانشاب

    مصدوم واقرى بعض الابيات مقلوب= ابكي ودمعي حايرن بين الاهداب




  4. #4
    عضو فعال الصورة الرمزية لائق
    تاريخ التسجيل
    08-07-2004
    المشاركات
    34

    اختي سر الوجود إسمك عظيم ما هو سر وجود الإنسان في هذه الدنيا ؟
    لا شك أن سر الوجود هو عبادة الله سبحانه وتعالى...... إن من عبادة الله طاعة الزوج والصبر عليه وعلى هموم الدنيا وغمومها وما هذه الدنيا إلا دار للعبور إلى الآخرة
    واحمدي الله على ماأنتي علييه
    وكما يقول المثل (الزين ما يكمل ) وزوجك في نظري زي الحلاوة أرجوكي أن تبحثي عن سبب همومه أو انشغاله عنك فقد يكون مرهق من عمله أو مشغول بمشكلة معينة أو أنه محتاج لأسلوب معين للتعامل معه فهو رجل لم يتزوج إلا ليجد الحنان والحب فابحثي عن المفتاح المناسب
    أسأل الله لك التوفيق من كل قلبي والسلام عليكم ورحمة الله


  5. #5
    ِعضو محترف ومتميز
    تاريخ التسجيل
    09-07-2004
    المشاركات
    872

    اختي سر الوجود
    زوجك على ماعودتية
    وبالنسبة لي انا لااشوف في زوجك اي مشكلة
    بالعكس شخص طبيعي وماقصر عليك بشيء
    اما اذاكنتي غير مرتاحة باسلوبة هذاء فحاولي تغييرة مرة عن مرة
    واصبري ولاتملي ومع الوقت هو راح يتغير شوي شوي
    ولاحظي انتي قاعدة تغير حاجة لها 6سنوات يعني يبيلك اقل شي سنتين
    عشان تغيري روتينكم كله واصبري ولا تتمليي


    صدق المعروف مايفيد في بعض الناس


  6. #6
    مــــبـــــدع الصورة الرمزية سر الوجود
    تاريخ التسجيل
    17-01-2005
    المشاركات
    207

    طيف الحنين...........شكرا لج يا اختي على كلامج الطيب ...........وانا عارفه ان زوجي به موصفات حلوة وايد لكني احس اني مهموله من ناحيته ...او بمعنى اصح انا اخر اهتماماته ...وهذا الشعور هو الي تاعبني ............لكني راح اسمع كلامج واحاول معاه اكثر واكثر وراح اغير معاملتي له .............

    اختي رايقة ..............شكرا لج وانشاءلله راح اتفائل بالخير وابعد الشيطان عني.....

    لائق............شكرا لك اخي العزيز على ردك الطيب وفعلا زوجي متعب كثير من عمله لكن اسلوبه هذا معي من بداية زواجنا مع ان عمله كان اسهل من اللحين بكثير..........وانا ماني مقصرة معاه في شي وهذا من كلامه لي لاني احيانا اطلب منه واترجاه بعد ان يقول لي اي شي موصحيح انا اسويه او اي شي يضايقه مني او اي تقصير اقوم به ودائما رده يكون ان كل شي يتمناه فيني واني مو مقصره معاه في شي وانه ماراح يلاقي زوجه مثلي ..........انا فعلا مهتمه به زيادة عن اللازم هل ممكن ان تكون هنا المشكله ........لكن حتى لما اغير من اسلوب تعاملي معاه واحاول اني اغير معاملتي له للاسوء بعد احصل نفس النتيجة ......اهمال وعدم اهتمام

    سنا الفضة ...........شكرا لج اختي العزيزه .......... وفعلا اسلوبه هو الي موعاجبني وراح احاول واحاول مع اني مو من اللحين بس حاولت اغيره لا بل من بداية حياتي معاه لكن مافي نتيجة .........الى حد ما مليت ...........لكن انتوا شجعتوني اني اصر على محاولتي له




  7. #7
    كاتب متميز الصورة الرمزية مني خذوك
    تاريخ التسجيل
    14-06-2005
    المشاركات
    101

    في البدياه احب ان اقول للاخت سر الوجود
    شي جميل ان نعيش الحيات الرومنسيه
    وانا من الناس العاشق لها
    ولاكن لكل منى طباعه وتصوري
    انه رومنسي ويدخل ومعه احلا هديه
    و و و و الى اخره من الشغلات اللي انتي تتمنينها

    فيه لا كن فاقد للطيبه انسان ما يصلي
    انسان يحب الشرب والسهر
    و الى اخره من الصفات بس رومنسي
    هل راح تحسين بالسعاده ما اعتقد

    اختي الكريمه كم من البنات يتمنون الانسان الطيب
    المسالم اللي يحبهم ويحترمهم ويعاشرهم بالمعروف
    راجعي نفسك واحمدي ربك على هذا الزوج الرائع
    والحسنات اللي فيه تطغى على السيئه الوحيده
    حاولي معه صارحيه برغباتك وحاولي مره وعشر
    وصدقيني في النهايه ولحبه لك راح يتغير

    الله يوفك وابعدي الشيطان عنك

    وتحياتي لك


    [img] C:\********s and Settings\xp\My ********s\مجموعة ملافات\خافيات\ااااؤي.jpg[/img]


  8. #8
    عضو جديد
    تاريخ التسجيل
    11-06-2005
    المشاركات
    21

    احمدي ربك على كل شيئ
    هو احبج واجد بس هو طبعي جذي وزين ان هو اقول ليج ليش ما انتي اتسوين ليج قعده رمنسيه وشوفي وش اسوي ما يحاج اشرح ليج اشلون الجلسه الرمانسيه
    هو احبج من جذي خالنج على راحتج ما يبس يضغط عليج
    او تبينه اقول ليج لا تلبسي هدا ولا اتروحي هل مكان؟
    حق بس ابين انه هو مهتم في
    هدا احتمامه فيج جذي اخليج كل شيئ على راحتج او شيئ تبينه اجيبه
    وكل واحد اعبر عن حبيبته بطريقه الي هو اشوفها صح




  9. #9
    عضو نادي الألف الصورة الرمزية ¤©§هـــدى§©¤
    تاريخ التسجيل
    24-01-2005
    المشاركات
    3,392

    حبيبتي الغالية ( سر الوجود ) نحن هنا في المنتدى ننظر من جانب واحد وهو جانبك . والنظره الصحيحة أن ننظر من الجانبين حتى نحكم صح .
    أخيتي أنت في نعمة كبيره ولله الحمد ، زوج يحبك ويحترمك .
    هل تريدين زوج مثل زوج صديقتي : طول النهار صريخ وضرب وإهانات ، وفي الليل ساعة ما يريد حاجته منها قمة في الروعة و الرومانسية . وعندما تنتهي حاجته منها ينبذها نبذا ......... أخيه هل تريدن زوجا مثل هذا .
    نصيحتي لك إبحثي بين السطور التي لم تكتبيها لنا في المنتدى ... عن سر شخصية زوجك ... عندها ستجدين العلاج المناسب بإذن الله تعالى .
    سلام




  10. #10
    مــــبـــــدع الصورة الرمزية سر الوجود
    تاريخ التسجيل
    17-01-2005
    المشاركات
    207

    مني خذوك...القعقاء...هدى .............شكرا لكم على ردودكم الكريمه ..............لكن يا اخواني واخواتي انتم ما فهمتوني .....انا اعرف ان زوجي ولله الحمد رجل بكل معنى الكلمه واحمد ربي واشكره على هالنعمه الي انا فيها ..........لكني من حبي له ابيه يتغير ......ابيه ياخذ باله مني اكثر علشان احس بحبه لي علشان احس بهتمامه لي ............احس ان الطيبه الزايده مع نوع من الاهمال بعد ماتنفع تجيب الضيق.......لكني ماراح ايأس راح اسوي كل الي اقدر عليه علشان اعيش معاه احلى حياة زوجية......

    واذا عندكم طرق تفيدني قولوها لي .........يعني شلون اخليه يهتم فيني شلون يكون رومانسي ويحتويني اكثر .........لان هالزمن مثل ماالزوجه لازم تسوي المستحيل علشان زوجها هم الزوج بعد لازم يسوي المستحيل ...........لان هالزمن زمن المغريات ....




  11. #11
    عضو نادي الألف الصورة الرمزية بنت الرجال
    تاريخ التسجيل
    27-04-2005
    المشاركات
    3,427

    حبيبتي سرر الوجود

    انتي في نعمه تحسدين عليها عليك انك تحافظين على زوجك بكل ماتستطيعينه

    انا مقدره لوضعك.........................ابي اقول لك انتي اللي ابدائي
    زوجك لما يدخل البيت يحس البيت هو نفسه ماتغير
    غيري بالبيت غير نظام الكنب غيري مكان التلفزيون
    غيري مفرشك غيري اكلكم............كل هالاشياء تجيب الملل لازم تغيرينها عشان هو يتغير

    اما عن الرومنسيه............فالرجل مثل الطفل انتي علميه انتي عبري له عن مشاعرك
    ابدئي انتي عشان يقدر اهو يتكلم
    اشري له هديه انتي سو له مفاجات
    راح تلقينه بعد فتره يدخل البيت جايب لك هديه
    اذا دخل البيت قولي له بعض الكلام الحلو عطيه فتره وتلقينه هو يوقوله لما يدخل
    والاماكن اللي تبين تطلعين لها .......شوفي الاماكن اللي هو يحبها روحي لها واذا لقيته استانس
    اطلبي منه بعدين الاماكن اللي تبينه ولا قولي له انا عازمتك اليوم وعلى حسابي بعد واطلعي انتي وياه
    راح يجيك يوم ثانتي يقول يالله اليوم العزيمه علي
    غاليتي سر الوجود..........اعتبر زوجك مثل طفلك ........... بسالك هل تمل الام من رعايه طفلها
    حاول بكل شي دلليه ............واي شي انتي تبينه منه ابدائي فيه انتي عشان هو يبادرك فيه

    حبيبتي بعطيك اسم كتاب رائع .اسمه النساء من الرزهره والرجال من المريخ ..مولفه د.جون غراي
    كتاب رائع لابعد حد اقريه واهديه لزوجك صدقيني راح تتغير حياتكم

    تقبلي تحيتي ودعواتي لك بالتوفيق في حياتك الزوجيه


    يابشر تكفون حلّو عن سمايه
    مايصيب الهرج لو الهرج صوبي

    عيبوني واتركوني في عمايه
    واتركوا لي واحدٍ يرضى عيوبي

    اتركوا لي واحدٍ يمسح شقايه
    كل ماحط الزمن دوبه و دوبي ..}


  12. #12
    عضو نادي الألف الصورة الرمزية mahaaaway
    تاريخ التسجيل
    07-05-2005
    المشاركات
    2,316

    سر الوجود

    انا فاهمتك

    زوجي بعمر زوجك ،،، وبنفس المواصفات

    ومااسميه الا الشايب

    بس وربي مااعامله الا زي مااعامل الشايب
    او بالاحرى مثل الطفل
    ادللـــــــــــــــــــــــــــــــــــــــــه
    وادلع عليه وابسطه

    وكل ما ،،،،،،،،،،،،،

    اوصل لمرحله من الياس
    وتضيق فيني مهاجر الدنيا
    وامل منه ومن بروده ،،، وكثر انشغاله

    وخـــــــــــــــــــــاصة
    عشان رومنسيتنا الزايده

    أبي أطلع أتمشى معاه
    أبي اركض
    أبي ألعب معاه ورقه ،، بلي ستيشن اي شي ابي اضحك
    أبي أسبح بالبحر أنا وياه

    يوووووووووووووووووووه ياكثر مانبي :o

    يمكن مافهموك البنات
    لأنهم ماجربوا
    شو معنى الزوج الملل :(


    أخيتي
    تبين الحل الللي أنا ماشيه عليه :rolleyes:


    أطنشه لا صرت متضايقه :mad: >>>>>>>>>>> عشان ماانفجر بوجهه
    ومتى ماروقت عاملته بدلال ودلع :p

    الهي نفسي مع صديقاتي وبالنت وفي بنتي وفي بيتي ;)

    عشان انسى الملل :)

    تناسي قلبي هذا الحل


    والله يخليه لك :D
    يارب




  13. #13
    عضو جديد
    تاريخ التسجيل
    11-06-2005
    المشاركات
    21

    السلام عليكم
    اختي سحر الوجود محد كامل الكامل الله
    كل انسان في شخصيتى فيها الاجابيه والسلبيه اي شخص اتحبين بتحصلين في اطباع ما اتحبينه واكيد الاطباع الي اتحبينه بتكون اكثر
    انتي من النوع الي اتحب زوجها يتحكم بها حق اتحس ان هو احبها واخاف عليها صح؟
    بس مثل ما قولت ليج هذي طريقته في الحب لو ما احبج جان ما يشتري ليج الي تبينه
    وتقدرين اتكلمينه في هدا الموضوع بس انصحج اخلينه جذي احبج
    واذا ما احب ينزل وياج مكان كله في السياره يمكن هو احب اكون ابروحه بس وياج ما احب الزحمه
    ومن بدال ما اطلعين واتركزين على سلبياته ركزي على اجابياته
    ترا حتا انتي عندج سلبيات هو اشوفها فيج مثل ما انتي اتشوفين سلبياته هل طبع ما اتحبينه في هو بعد
    افريح عندج زوج مثله احبج واجد واجد




  14. #14
    عضو جديد
    تاريخ التسجيل
    06-01-2010
    المشاركات
    7

    رد: زوجي ممل .............ابيه يتغير ......دخلو قولو لي شلون

    الله يسخركم لبعض




  15. #15
    مــــبـــــدع الصورة الرمزية الجليد الساخن
    تاريخ التسجيل
    02-01-2009
    المشاركات
    375

    رد: زوجي ممل .............ابيه يتغير ......دخلو قولو لي شلون

    قول الحمدلله

    طالعي في المنتدى مشاكل البنات تبكي وانتي تقولي زوجك يحبك

    لا تفتحين مجال لابليس
    صيري انتي رومنسية

    بعض الرجال كتومين
    يعجبه الشي ولا يبرد كبدك ويمدح


    الله يهدي سركم




+ الرد على الموضوع
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك