منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
النتائج 1 إلى 12 من 12
Like Tree0Likes

الموضوع: اجيبي لتعرفي هل زوجك يحبك؟

  1. #1
    كاتب متميز الصورة الرمزية نجمة اللييييل
    تاريخ التسجيل
    10-02-2009
    المشاركات
    175

    اجيبي لتعرفي هل زوجك يحبك؟

    السلام عليكم ورحمة الله وبركاته
    كيفكــــم بنــات .
    ـ أجيبي لتعرفي ــ
    هل زوجك يحبّك//ولا مايواطنك (يعني مايحبك )ههههههههههههههه
    هذا استبيان أو اختبار بسيط وهو عبارة عن مجموعة أسئلة وعدة اجابات .. تستطيع الزوجة أن تعرف من خلال الاجابة عليها أين موقعها من قلب زوجها و هل هو يقدِّرها والا وده يدقّ خشتها ..
    بسم الله نبدأ
    س1 إذ بغى زوجك يناديك :
    أـ يناديك باسم دلع مثل : ( ياحياتي ـ ياعمري ـ ياعيني ) ـ
    ب - يناديك باسمك : ( ياسارة ، ياريم ، ياميّ )ـ
    جـ يناديك بكنيتك : ( يا أم محمد ، يا أم عبدالله، يا أم خالد )ـ
    د ـ يناديك باحدى العبارات الرومانسيه التاليه : ( يامرة ـ ياهيش ـ هو هنا احد ) ـ
    س2 وش تلاحظين انه :
    أـ معسكر في البيت 24 ساعة واذا راح للعمل يغثـتس بالاتصالات
    ب ـ يقضي أغلب وقته في البيت
    جـ دايم يختخت للإستراحه ولربعة
    د ـ ماتشوفين خشّته الا أوقات الوجبات ولا يجي للبيت الا قبل الفجر بنصف ساعه ـ
    س3 اذا صرتي جالسه معه :
    أ ـ يسولف عليك دايم ويتميلح ويحاول يستخفّ دمّه عندك ؟
    ب ـ يسولف عليك سواليف عاديه .
    جـ يسولف عليك الا قلتي له سولف .
    د ـ مهوب يسولف أبد والا قلتي له سولف ناضرك و قال وش تبيني أقول ويلقط الجريده ويسد بها وجهه على باله انها يقراها .
    س 4 لو تسوين له طبخة ولا تصير مضبوطه .. أما جت محترقه والا مالحة وجيتي تعتذرين له وش يقول : ـ
    أ ـ يقول : أي طبخة منك زينه حتى لو تطبخين هريس ويجي محروق كلت يديني وراه ـ
    ب ـ يقول : اللي يجي منك زين
    جـ ـ يقول : افطني لطبختس واضبطي شغلك
    د ـ يقول : بلاتس الرفالة الواجدة ولاتم تعودين لها يارفيله ـ
    س5 الا قلتي له ودّني للسوق وش يقول :ـ
    أـ أبشري ولو تبين جبت لك السوق هنا ولا خليتك تتعّبين روحك وتروحين له ـ
    ب ـ إن شاء الله .
    جـ كانك ملزومة وديتك هالحين والا خليه عقب .
    د ـ معصي .. وماتلاحظين انك ذبحتينا بالسوق الا ماودك تطقين لك خيمةٍ فيه أزين ـ
    س 6 ـ الا قلتي له عطني 1000 ريال ابفصّل ثوب لزواج اختي وش يقول :ـ
    أـ مغير 1000 غالية والطلب رخيص .
    ب ـ خذي ولو ان الألف واجد .
    جـ ماتكفيك خمس ميه .
    د ـ وشي ألفه ؟ لو تفصلين لك فستانٍ بمية الف منتي زاينه خذي ميتين بس ودوري لش أيّة خلـَق ورجّعي الباقي ـ
    س7 ـ الا قعدتي تموّلين وانتي تقطعين السلطة وش يسوي رجلك :ـ
    أـ يجي يقطع السلطة بدالك ويقول لك : غني لي شويه شويه .. والسلطة خليهاعليّّه ـ
    ب ـ يقول لك ارفعي صوتك وأطربينا
    جـ يقول اقصري حسّك شويّ
    د ـ يقول لك ورى العنز صجتنا ماحطيتي لها شعير اليوم ـ
    س 8 اذا صار زوجك عندك في البيت وش تحسين انه :
    أـ يكشخ ويتمكمك ويتطيّب ويتس*** وكل شويٍ يتنظّر كنه يبي يروح لعرس
    ب ـ يكشخ على خفيف
    جـ ـ مرٍ يكشخ ومرٍ يطنش
    د ـ يطق سروال السنة .. 24 ساعة.. والا خربها وكشخ لبس قميص النوم المقـلــّم ـ
    س 9 الا قلتي له أبروح أزور أهلي يومين بس .. وش يقول لك :ـ
    أ- يومين كاملات !! مايكفي يوم والله يصبرني على فراقك
    ب ـ أبشري بس يومين مافيه أكثر
    جـ ـ مايخالف وان بغيتي تجلسين أكثر ماعندي مانع
    د ـ مغير يومين ؟ ماتسوى العنوة ماودك تقعدين عندهم شهر ترى ذولا أهلك ولهم حقٍ عليك وان قعدتي شهرين بعد مهيب شينه ـ
    ياكثر اللي بينفضحون في ذي ـ
    س 10 الا قلتي له تحبني وش يقول :
    أـ " منيب أحبّك أنا والله من حبّك .. أحبّ حتى ثرى الارض اللي تاطاها " ـ
    ب ـ أجل ما احبك
    جـ يعني مرّ ومرّ
    د ـ ياشين العجز الا جن على بالهن رومانسيات أقول خلي حركات المراهقه عنك و هذا اللي جنيتيه من المسلسات التركيه .. قومي كبي الجريش بس تراه داقّني الجوع ـ
    س 11 وش تلاحظين انه :
    أ ـ يجيب لك هدايا دايم ويكتب فيها أبيات شعر غزل ـ
    ب ـ يجيب لك هدايا أحياناً
    جـ يجيب لك هدايا الا جاء من السفر .
    د ـ ماعمره دخل الا وهو مدودل ٍ يديه ولاعمرك شفتي منه شي عقب الشبكة ـ
    س12 إذا كشتّي انتِ واياه في البر وقلتي له وش رايك نمرح فيذا الليلة وش يقول
    أ- تامرين أمر .. ودامك معي لو تبين نمرح في عشّة غنم ماخالفت
    ب - والله ان ماودي مرة بس كانك ملزمه مايخالف
    جـ - ودي نمرح فيذا الليله بس إني أخاف تغثنا القواريص
    د - وش اللي نمرح ، تبين عشان تقرصك عقرب والا دابّ وأبلش بك يالله بس مشينا ماعاد الا خير
    وهالحين ناظري النتيجة :
    اذا صارت أكثر اجاباتك بحرف الألف : ـ
    فترى زوجك ضايعٍ في خرايطك ودايخٍ معك ورايحٍ معك خرخر ولو شبيتي له ضوّ وقلتي طبّ فيها قال آمري بس تبيني أطب ( لقّافي ) والا ( محيفرة ) .. و أنصحك انك تحافظين عليه وتحاولين انك تشوفين وش الأشياء اللي محببته فيك وتستمرين على فعلها .. عشان تستمر هالخقّه
    واذا صارت أكثر اجاباتك بحرف الباء :ـ
    فاعرفي ان زوجك يحبك مرة بس هالحب من المحتمل انه يقل لو ضيقتي صدرة ببعض الاشياء فانتبهي له . ـ
    واذا صارت أكثر الاجابات بحرف الجيم :
    فاعرفي ان زوجك مهوب يحبك مرة ودوّري الاسباب اللي خلته مايحبك وحاولي تعالجينها .. والا تدرين عطيه أشكل بس أريح لك ( ا لله من زين النصيحة ) .ـ
    أما اذا صارت أكثر الاجابات بحرف الدال :ـ
    فإعرفي ان رجلك مهوب يحبك، ولا يواطنك في عيشة الله .. و أيّأسي انه يبي يحبك لو تحطين له الشمس ساعة في يده ، وتنظمين النجوم ( صنقل ) لها .. وتحلبين له خنفسان وتخرفين له من البرسوبس تمر برحي ، مهوب حابك .. هذا شاطبٍ عليك شطبٍ مافيه ملح أكود من شطب جمهور الهلال على البلوي
    ملاحظه:
    انا معظم اجاباتي بحرف ب الحمد الله




  2. #2
    مــــبـــــدع الصورة الرمزية رومنسي محروم
    تاريخ التسجيل
    25-01-2009
    المشاركات
    468

    رد: اجيبي لتعرفي هل زوجك يحبك؟

    يعطيك العافية نجمة الليل

    عليك مصطلحات وين طلعتيهم (ياهيش ) ( محيفرة ) نجدية بالصميم

    تسلمين ومشكورة

    ماتحسين انك شابة علينا شوي كانكم ملائكة كل شي مجاب .




  3. #3
    كاتب متميز الصورة الرمزية نجمة اللييييل
    تاريخ التسجيل
    10-02-2009
    المشاركات
    175

    رد: اجيبي لتعرفي هل زوجك يحبك؟

    اقتباس المشاركة الأصلية كتبت بواسطة رومنسي محروم مشاهدة المشاركة
    يعطيك العافية نجمة الليل
    عليك مصطلحات وين طلعتيهم (ياهيش ) ( محيفرة ) نجدية بالصميم
    تسلمين ومشكورة
    ماتحسين انك شابة علينا شوي كانكم ملائكة كل شي مجاب .
    اسعدني مرورك وانا حاطه كذا نوع من شخصيات بعض الازواج فيها الزين وفيها الشين بس اتوقع ان معظم الرجال من فئة ب وانا مو شابه عليكم بالعكس الله يعطيك العافيه




  4. #4
    كاتب متميز
    تاريخ التسجيل
    22-07-2008
    المشاركات
    123

    رد: اجيبي لتعرفي هل زوجك يحبك؟

    طيب 4 ألف و أربعة باء و أربعة جيم الحمد لله مافي دال




  5. #5
    عضو نادي الألف الصورة الرمزية crâzy яoмâитic
    تاريخ التسجيل
    11-02-2009
    المشاركات
    4,665

    رد: اجيبي لتعرفي هل زوجك يحبك؟

    الله يجعلنا من فئة -أ- يا رب ونسعد الزوجة الي جاية وانا ما اعرفها حتى الان بس راح اعرفها حتى لو بعد حين




    ~{ قآلوآ تحبهـ قلت لا مآهو بالحيـل .. بس أنه أغلى شوي من نور عيني }~

    ~{ يسوى جميع الجيل الأول وهالجيل .. أحبآبي المآظيني والمقبليني }~


  6. #6
    عضو نادي الألف الصورة الرمزية انسانةبهاالزمان
    تاريخ التسجيل
    07-02-2009
    المشاركات
    6,674

    رد: اجيبي لتعرفي هل زوجك يحبك؟

    تسلمي على هاالاستبيا ن تراني متحمسه اسويه بس يقولو ن( لا اذم ولا اشكر الا بعد سنة وستةاشهر)وانا اقول بعد شهر اجاوبك على سؤالك




  7. #7
    كاتب متميز الصورة الرمزية نجمة اللييييل
    تاريخ التسجيل
    10-02-2009
    المشاركات
    175

    رد: اجيبي لتعرفي هل زوجك يحبك؟

    اقتباس المشاركة الأصلية كتبت بواسطة فرحانة11 مشاهدة المشاركة
    طيب 4 ألف و أربعة باء و أربعة جيم الحمد لله مافي دال
    اووووووووووو حركااااااااات 4 الف ما شاء الله ربي يسعدك ويصيرو كلهم الفففففففففففففف




  8. #8
    كاتب متميز الصورة الرمزية نجمة اللييييل
    تاريخ التسجيل
    10-02-2009
    المشاركات
    175

    رد: اجيبي لتعرفي هل زوجك يحبك؟

    اقتباس المشاركة الأصلية كتبت بواسطة 疯狂 Crâzy Roмaитic 的浪 مشاهدة المشاركة
    الله يجعلنا من فئة -أ- يا رب ونسعد الزوجة الي جاية وانا ما اعرفها حتى الان بس راح اعرفها حتى لو بعد حين
    انشاء الله وربي يسعدك مع زوجة المستقبل




  9. #9
    كاتب متميز الصورة الرمزية نجمة اللييييل
    تاريخ التسجيل
    10-02-2009
    المشاركات
    175

    رد: اجيبي لتعرفي هل زوجك يحبك؟

    اقتباس المشاركة الأصلية كتبت بواسطة انسانةبهاالزمان مشاهدة المشاركة
    تسلمي على هاالاستبيا ن تراني متحمسه اسويه بس يقولو ن( لا اذم ولا اشكر الا بعد سنة وستةاشهر)وانا اقول بعد شهر اجاوبك على سؤالك
    يالله بالبركه انشاء الله تتهني ومبروك مقدما




  10. #10
    ِعضو محترف ومتميز الصورة الرمزية ا ب ر ا ه ي م
    تاريخ التسجيل
    14-11-2008
    المشاركات
    826

    رد: اجيبي لتعرفي هل زوجك يحبك؟

    والله عورني بطني من الضحك
    بس فيه مصطلح ياعجوزي
    هاذا مصطلح الوالد الله يطول
    بعمرة قولو امين


    العام خلّي يسمـع القلـب لا صـاح ..
    .. واليوم مهما صاح ماهوب مسمـوع
    وحالي نحل والحال ماهوب منسـاح ..

    .. من كثر ما اضمى للمواصيل وآجوع

    ابن فطيس


  11. #11
    كاتب متميز الصورة الرمزية نجمة اللييييل
    تاريخ التسجيل
    10-02-2009
    المشاركات
    175

    رد: اجيبي لتعرفي هل زوجك يحبك؟

    اقتباس المشاركة الأصلية كتبت بواسطة ا ب ر ا ه ي م مشاهدة المشاركة
    والله عورني بطني من الضحك
    بس فيه مصطلح ياعجوزي
    هاذا مصطلح الوالد الله يطول
    بعمرة قولو امين
    آآآآآمين الله يخليه لك ويخليك له والله يطول بعمره ويشوف عيالك وعيال عيالك تسلم على الرد




  12. #12
    كاتب متميز الصورة الرمزية @farfoosh@
    تاريخ التسجيل
    16-06-2009
    المشاركات
    115

    رد: اجيبي لتعرفي هل زوجك يحبك؟

    لووووووووووووول مصطلحاتك تحفه



    من مواضيع العضو
    للنساء فقط&&&&&&&&&&&&

    الله يحرم وجهكم النار اللي تدعيلي ان الله يوفقني ويسخرلي مافي السموات والارض
    ويحقق لي اللي اتمناه عاجلا غير اجلا *************[/FONT][/SIZE][/COLOR]
    ر


+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك