منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 34
Like Tree0Likes

الموضوع: هل اطلب الطلاق ؟؟؟

  1. #1
    عضو نشيط الصورة الرمزية بي روعه
    تاريخ التسجيل
    19-04-2009
    المشاركات
    69

    Angry هل اطلب الطلاق ؟؟؟

    السلام عليكم


    يناس تكفون ابي حل مدري وشسوي احس اني ضاااايعه

    انا متزوجه لي ست سنين وعندي ثلاث اولاد الحمدلله والشكر


    مشكلتي زوجي ماهو مستقر ابد مااعرفه حتى عياله يتمنون جلسته


    انا من تزوجته كنت صابره عليه لاني اعاني لحالي


    وشحططه لانا ساكنين بمدينه واهلي بمدينه ثانيه وكل يوم مسافرين كل يوم رايحين جاين والله بدون مبالغه

    اول كنت لحالي ومتحمله هالشي الحين حرام عيالي اندمرت نفسياتهم مااستقرو ابد


    انا مليييييييييت بكييت دم من الشحططه ساكنه بفله وودي لو اني ساكنه بقوطي بس استقر فيه

    زوجي زي ماقلت لكم برا البيت دايم

    لدرجة ان ولدي الكبير يلاحقه بالبيت اذا كان موجود يخاف يروح والله لو كان بيروح للحمام اكرمكم الله لحقه يخاف يروح عنا ويخلينا لحالنا لان المنطقه الي حنا فيها مانعرف فيها احد وهو اربع وعشرين ساعه برا وينام برا


    تعبت منه مره مره وغير كذا بخيل ولا يحب الطلعات ولا شي

    انا مااسافر الا مع اهلي لانه رافض رفضا قاطع يسافر ونسافر بضيق وحاله مايعلم بها الا الله


    بس نخاف نجلس لحالنا مالنا ولا عندنا احد


    الحين انا قربت انهار من حياتي معه


    رحت لبيت اهلي وقلت خلاص انا ابستقر هنا ماعاد ابي حياتي معك

    وحطيت له شروط لاني من جد تعبانه وماابيه خلاااص


    قلت له لازم ننقل عند اهلي على الاقل اذا كنت بتنام برا البيت يصير حولنا احد مانصير لحالنا

    وهو سهله عنده النقل بس مايبي الا هالمنطقه كن فيها كنز

    وقلت له اذا برجع لك لازم تحط لي سواق لانه اذا كان برا البيت ماالقى احد يوديني ويجيبني لااشياء ضروريه

    ماغير اترجا اخواني وابوي وخالاتي وكلن اترجاه يودينا ويجيبنا ماكن لي زوج ابد ابد

    المشكله انه يروح برا البيت يجمع من هالفلوس وحنا مانشوف منها شي عايشين بفقر وهو يجمع


    انا وعيالي ناكل ونشرب ببيت ابوي واخواني يودونا ويجيبونا وهو طبعا بالشغل

    وانا عندي طفل صغير يحتاج حليب اتسلف من اخوي 25 ريال واذا جا زوجي يرده له شفتو كيف الشحططه

    بالله هذي حاله ؟؟؟

    الحين انا متهاوشه معه يا انه ينقل بيتنا ويجيب سواق ويعطيني مصروف لي انا وعيالي والا يطلقني جد زهقت منه


    انا معي حق والا لا ؟؟؟


    اول مازعلت حاول يراضيني وانا رافضه مره

    وقال انه بينذف لي هالشروط وخلاص كتب ورقة انه بيسويها


    ولما جا بكره قال لا انا هونت لعبت بزران هي تهون على كيفك


    قالي ترجعين لبيتك واسوي الي تبين قلت لاا ومليون لااا


    لاني من اخذته وانا هذي حالي معه كل يوم اصيح وانيح عنده ويقول طيب وبعدها بفترة يقول ماله داعي حنا مانحتاج سواق انا موجود والمصروف انا اعطيك بالقطاره <<< هذي من عندي طبعا



    والي يقهرني ان رصيده مليان فلوس وهو يحاسبني على كل ريال حسبي الله عليه

    ماعرفت الراحه والامان معه

    حاول يرجعني كم مره وجا لبيت اهلي وجلس يبكي عند الباب يبني ارحمه وارجع بس بدون مايسوي لي شي قلت لا شكرا دموعك وفرها لك

    وملا جوالي رسايل وصار كل يوم يداوم عند بيت اهلي وفشلني فيهم اخواني عجزو يصرفون انا ماابي اشوف رقعة وجهه


    سبحان الله مستعد يسوي كل شي يذل نفسه لااقصى حد بس مايدفع ريال

    والله كنت ادافع عنه واقول هو مو بخيل بس انه يوزن رياله ومايحب الفسق الين قلت له بس ابي لنا مصصروف انا وعيالك وبعدها طلعت عينه وصار ينافخ بعد ماكان يترجاني

    مع العلم انه رجل يخاف الله وملتزوم وهذا الي كان مصبرني عليه

    بس الحين اقول التزامه لنفسه انا ماارتحت معه ابد


    ابي رائيكم


    ودي استشيركم بهالناس الي طلعت عيونهم وبدو يتكلمون وشلون اصد حلوقهم




  2. #2
    ِعضو محترف ومتميز الصورة الرمزية ام توتو الحلو
    تاريخ التسجيل
    29-12-2008
    المشاركات
    702

    رد: هل اطلب الطلاق ؟؟؟

    يابنت الحلال اعتبريه مو موجود اصلا انا زوجي كذا بس خلاص تعودت ليه اتعب نفسي علي الفاظي اعيش يومي




  3. #3
    ِعضو محترف ومتميز الصورة الرمزية النهاية والاخير
    تاريخ التسجيل
    05-04-2009
    المشاركات
    857

    رد: هل اطلب الطلاق ؟؟؟

    عين العقل اللي سويتية والله يعينك على البخل لانة من اقبح الصفات
    خليك على شغلك




  4. #4
    عضو نشيط الصورة الرمزية بي روعه
    تاريخ التسجيل
    19-04-2009
    المشاركات
    69

    رد: هل اطلب الطلاق ؟؟؟

    الحين له اسبوعين مايرسل ولا يدق وانا منقطعن قلبي ابيه يعطيني لو مية ريال اعبر بها حالي مع هالبزور

    ودي اشتكيه اخذ مصروف نفقه




  5. #5
    عضو فعال
    تاريخ التسجيل
    07-02-2009
    المشاركات
    43

    رد: هل اطلب الطلاق ؟؟؟

    اختي اولا لا اقول الا الله يكون بعونك
    ثانيا: مهما حصل شيلي فكرة الطلاق من بالك من لكم بعد ماتتركين زوجك لا تقولين اهلي موجودين طيب اهلك الحين موجودين وبعدين !!!!!
    اختي الضحيه هم عيالك من بيتتزوجك بعد ماتنفصلين وانتي معك عيال زوج عنده زوجه ثانيه؟؟؟؟؟؟؟؟ او زوج ارمل؟؟؟؟؟؟؟؟ او زوج كبير بالسن؟؟؟؟
    صدقيني بالاسلوب الحسن والمصارحه بالجلسه الهادئه تنحل المشاكل
    ولا خلي شخص حكيم من اهلك يكلمه ويقوله عن ماانتي تعانين منه
    واقولك المره الاخيره لايضيع زوجك من يدك اذا كان ملتزم وعيبه بس البخل ماردهم الفلوس تكون بيدك انتي وعيالك
    ترى المطلقات والعوانس مليانات البيوت يتمنون الرجال
    اقووووووووووووولج لاتخسرين زوجك بسبب الماده
    وشوفي شنو اللي يصرف زوجك عنكم وحليه وعليك بالدعاء والاستغفار
    >>>>>>>> اختك كويتيه بالغربه<<<<<<<<




  6. #6
    عضو نشيط الصورة الرمزية بي روعه
    تاريخ التسجيل
    19-04-2009
    المشاركات
    69

    رد: هل اطلب الطلاق ؟؟؟

    اقتباس المشاركة الأصلية كتبت بواسطة ام توتو الحلو مشاهدة المشاركة
    يابنت الحلال اعتبريه مو موجود اصلا انا زوجي كذا بس خلاص تعودت ليه اتعب نفسي علي الفاظي اعيش يومي

    وشلون اعتبره موب موجود ؟؟؟

    من يصرف علي من يوديني ويودي عيالي لمشاويرنا

    اذا صار موب فيه ودانا لااهلي يتحملونا


    وصرنا ثلاث ارباع الاسبوع عند اهلي وربعه ببيتنا


    وحالتن مايعلم به الا ربي


    والله اني كنت قبل يومين بالمستوصف موديه ولدي الصغير تعبان

    وانه انكسر خاطري يوم شفت الحريم معهم رجالهم وشايلين عيالهم


    انقهرت وقعدت اصيح انا كن مالي رجل يوقف معي


    وصحت عند الدكتور يوم سالني وين ابوه يقصد ولدي قلت ابوه مسافر ونزلت دمعتي


    الله يصبر قلبي ويفرجها




  7. #7
    عضو نشيط الصورة الرمزية بي روعه
    تاريخ التسجيل
    19-04-2009
    المشاركات
    69

    رد: هل اطلب الطلاق ؟؟؟

    اقتباس المشاركة الأصلية كتبت بواسطة كويتيه بالغربه مشاهدة المشاركة
    اختي اولا لا اقول الا الله يكون بعونك
    ثانيا: مهما حصل شيلي فكرة الطلاق من بالك من لكم بعد ماتتركين زوجك لا تقولين اهلي موجودين طيب اهلك الحين موجودين وبعدين !!!!!
    اختي الضحيه هم عيالك من بيتتزوجك بعد ماتنفصلين وانتي معك عيال زوج عنده زوجه ثانيه؟؟؟؟؟؟؟؟ او زوج ارمل؟؟؟؟؟؟؟؟ او زوج كبير بالسن؟؟؟؟
    صدقيني بالاسلوب الحسن والمصارحه بالجلسه الهادئه تنحل المشاكل
    ولا خلي شخص حكيم من اهلك يكلمه ويقوله عن ماانتي تعانين منه
    واقولك المره الاخيره لايضيع زوجك من يدك اذا كان ملتزم وعيبه بس البخل ماردهم الفلوس تكون بيدك انتي وعيالك
    ترى المطلقات والعوانس مليانات البيوت يتمنون الرجال
    اقووووووووووووولج لاتخسرين زوجك بسبب الماده
    وشوفي شنو اللي يصرف زوجك عنكم وحليه وعليك بالدعاء والاستغفار
    >>>>>>>> اختك كويتيه بالغربه<<<<<<<<


    ومن قال لك انه شاب

    بيني وبينه عشرين سنه وعنده عيال من غيري

    والله افضل اعيش مطلقه مليون مره من عيشتي معه

    لاني اروح لبيتي زي الدوام بس ليله اشوفه انا وعياله مايشوفونه ومن بكره نرجع لبيت اهلي

    ميخالف حتى لو تزوجت بعده شايب بس يعطيني مصروف زي العالم

    يختي القى واحد منهم يا شباب يا مال مو محرومه من الاثنين




  8. #8
    عضو نادي الألف
    تاريخ التسجيل
    05-11-2006
    المشاركات
    5,649



    رد: هل اطلب الطلاق ؟؟؟

    اختي دام زوجك ملتزم ويخاف الله...لازم تتحمليه...وفكري بعيالك قبل نفسك...وترى مهما كان دخله عالي شهريا...
    المصاريف زادت...وهو فاتح بيتين او اكثر...خلي الوالد او احد اخوانك يكلمه ويذكره بواجب النفقة...وحاولي معاه مهما
    يكون مقصر يبقى ابو عيالك...موفقـــــــــــــة




  9. #9
    ِعضو محترف ومتميز الصورة الرمزية صفحات لم تقرأ
    تاريخ التسجيل
    13-04-2009
    المشاركات
    942

    رد: هل اطلب الطلاق ؟؟؟

    وعليكم السلام

    لاتستعجلين وتطلبين الطلاق

    إلا وين أبوك وأخوانك ماكلموه

    لو أبوك كلم زوجك ممكن تتحسن أموركم الله يهديه بس

    البخل مشكلة والله يعينك عليها
    لا إله إلا الله عدد ماكان وعدد مايكون وعدد الحركات والسكون

    ســبـــحــان الله وبــحــمــده ســبــحــان الله الــعــظــيــم


  10. #10
    عضو نادي الألف الصورة الرمزية **الملـــــكـــــة**
    تاريخ التسجيل
    16-11-2008
    المشاركات
    2,576

    رد: هل اطلب الطلاق ؟؟؟

    أنا استغربت قلت كيف ينام برى طلع متزوج وحده ثانية ...


    طيب هو يعني مايعدل بينك انتي وزوجته الثانيه ولا ايش ..؟؟


    ولا تقصدين انه دايما مشغول في عمله علشان كذا ماتشوفونه ..؟؟


    والله مشكلتك عورت قلبي .. بس الوضع ما ينسكت عليه ... لا ترجعين له الا برضوه محترمة على الأقل تصرفين منها لين ربي يفرجها ...

    وحاولي ياقلبي تصبرين و مثل ماقلتي خليه يجيب لكم سواق وشغالة وانشغلي وخذي دورات وأشغلي نفسك عنه وصدقيني راح تتعودين على الحياة معاه ... بس أهم شي لا تطاوعينه على بخله ..


    واضح انك كنتي توفرين له وتراعين ضروفه وهو تعود على هالوضع ...









  11. #11


  12. #12
    مــــبـــــدع
    تاريخ التسجيل
    28-02-2009
    المشاركات
    305

    رد: هل اطلب الطلاق ؟؟؟

    الله يعينك


    ساكنه بفله وودي لو اني ساكنه بقوطي بس استقر فيه

    بصراحه في هالجمله صدقتي صدقتي صدقتي


    كل شي الا الاستقرار ..

    الله يعينك ويصبرك

    حطي شروطك وخلي ابوك يتفاهم معه وانه موحاله كل يوم في مكان .. وان الامر مو زين على العيال حتى ..


    تفاهمو معه بهدوء ... وانتي بيني له انك بتقدمين تنازلات وبتوقفين معه بس اهم شي الاستقرار والصرف

    وانك ما طلبتي شي فوق الطاقه


    واذا هو ما فهم

    قولي نروح للمحكمه وهم يحددون المصروف وانا راضيه ..


    الله يعينك بصراحه الاستقرار اهم شي بالحياة

    عدم الاستقرار يجيب الامراض والهم والمشاكل

    الله يرزقنا الاستقرار ويرزقك يارب

    0
    0
    0


    {
    0
    0
    اول خطوه : )
    0
    0

    }


  13. #13
    كاتب متميز الصورة الرمزية maya_belkhadem
    تاريخ التسجيل
    19-10-2008
    المشاركات
    127

    رد: هل اطلب الطلاق ؟؟؟

    اقتباس المشاركة الأصلية كتبت بواسطة كويتيه بالغربه مشاهدة المشاركة
    اختي اولا لا اقول الا الله يكون بعونك
    ثانيا: مهما حصل شيلي فكرة الطلاق من بالك من لكم بعد ماتتركين زوجك لا تقولين اهلي موجودين طيب اهلك الحين موجودين وبعدين !!!!!
    اختي الضحيه هم عيالك من بيتتزوجك بعد ماتنفصلين وانتي معك عيال زوج عنده زوجه ثانيه؟؟؟؟؟؟؟؟ او زوج ارمل؟؟؟؟؟؟؟؟ او زوج كبير بالسن؟؟؟؟
    صدقيني بالاسلوب الحسن والمصارحه بالجلسه الهادئه تنحل المشاكل
    ولا خلي شخص حكيم من اهلك يكلمه ويقوله عن ماانتي تعانين منه
    واقولك المره الاخيره لايضيع زوجك من يدك اذا كان ملتزم وعيبه بس البخل ماردهم الفلوس تكون بيدك انتي وعيالك
    ترى المطلقات والعوانس مليانات البيوت يتمنون الرجال
    اقووووووووووووولج لاتخسرين زوجك بسبب الماده
    وشوفي شنو اللي يصرف زوجك عنكم وحليه وعليك بالدعاء والاستغفار
    >>>>>>>> اختك كويتيه بالغربه<<<<<<<<
    SORRY يا أخت كويتية بالغربة كلامك هاذ كلو مثالية ما فيه واقعية
    شكلك عايشة مدلعة و ما مجربة اللي أنا مجرباتو ويا هالمخلوقة
    كيف أنو زوجك يضل بعيد عنك لشهور و بمجرد مايرد يرجع يسافر ثاني
    ما مجربة كيف تحسبين القرش لأنو إذا ضيعتيه راح تتبهدلي
    اللهم نسألك الحفظ و العافية
    اللهم لاتجعلنا محتاجين لأحد سواك
    ياأختي والله أنا تعبت مكانك بس اسمعت كلامك مع إنو زوجي كمان فيه ريحة البخل بهدف التوفير للمستقبل بس أناأطلعها من عينو بس بالتقزيز يعني بالحساب
    والله ما في حدا مرتاح يا أختي ،أصبري شوي و إذا مانعدل حطينه في الأمر الواقع
    أختك مايا


    ملاكي الطاهر أمي


  14. #14


  15. #15
    تم ايقاف العضوية من قبل الأدارة
    تاريخ التسجيل
    09-09-2008
    المشاركات
    1,948

    رد: هل اطلب الطلاق ؟؟؟

    الطلاق مو سهل لاتطلبي الطلاق


+ الرد على الموضوع
صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك