منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



موضوع مغلق
صفحة 1 من 2 1 2 الأخيرةالأخيرة
النتائج 1 إلى 15 من 28
Like Tree0Likes

الموضوع: ابي اتزوج وحده ثانيه اجنبيه حالي حال خلق الله

  1. #1
    عضو نادي الألف الصورة الرمزية ابونواف
    تاريخ التسجيل
    18-02-2008
    المشاركات
    21,646

    ابي اتزوج وحده ثانيه اجنبيه حالي حال خلق الله

    السلام عليكم
    والله حيهم جميعا
    ابقولكم سالفه من احد المقربين لراعي القضيه
    ــــــــــــــــــــــــــــــــــــــــــــــــــ ـــــــــــــــــــــــــ
    الرجاء احترام جميع الجنسيات بدون ذكر اسم الدول
    ــــــــــــــــــــــــــــــــــــــــــــــــــ ــــــــــــــــــــــــــــ
    يقول ان ابوناصر رجل ميسور الحال ،، ويبي الاخ يتزوج من ثانيه ،، جا لزوجته وقال لها يا ام ناصر انا ابتزوج عليك ،، انصدمت ام ناصر صدمه كبيره وزعلت وشرح لها موقفه انه يقدر يتزوج بدون ما ياخذ رايها لكن احترام للعشره حب انه يفاتحها بالموضوع ،، بعد اخذ وعطى سلمت امرها لله ام ناصر ووافقت وشرطت شرط انه ينصف فيما بينهم وانه يسكنها بعيد عن بيتها ،، وافق الرجال وقالها ابشري ولا يهمك .
    طبعا الرجل في راسه انه يتزوج من ( اجنبيه ) يعني موب من ثوبه ،، وذاكرين له احد الدول العربيه القريبه من ديرتنا ،، يقولون انه فيها ناس يبون الستر على بناتهم وانهم ناس محافظين .
    توكل على الله الرجال وراح وتزوج وجاب زوجته معاه للديره ،، وشرط على زوجته انه لمدة سنتين ما تجيب عيال ووافقت وفرحت بهالشي !!! .
    بعد مرور تقريبا خمس اشهر على زواج ابوناصر وفي يوم من الايام دخل للبيت ولقى زوجته الجديدة مع شخص بالصاله ،،، انهبل من انت !!! من هول الصدمه راح بيجيب السلاح وحلفت له زوجته ان هذا ولد عمها وهو حلف وقال انا ولد عمها بس يومنك جيت تتزوج بنت عمي كنت انا موجود هنا بالسعوديه اشتغل ولا قدرت احضر عرسكم وذكر له كل اسماء العائله ووراه الاقامه ،،، بعدها قاله ابوناصر حنا عادتنا غير حتى لو انت ولد عمها ما تجي وتدخل عليها ولا انتي تسمحين لاي احد يدخل عليك ،، وانت تفضل من غير مطرود ولا تجي مره ثانيه الا وانا موجود ،،، طلع الرجال وزعل ابوناصر على زوجته وهددها وبعد اسبوع رجع الوضع طبيعي ،،
    يقول ابوناصر رغم صدمت زوجتي ام ناصر الا انها كل ما جيت لها ما تبين لي زعلها وما قصرت معي نهائيا .
    بعد مرور شهرين كان نايم ابوناصر عند زوجته الجديده وطلع للدوام وبعد مرور ساعتين اتصل عليه احد الجيران بالعماره ،،، وقال له يا ابوناصر انا من زمان اشوف رجل غريب يدخل لبيتك بشكل شبه يومي وخفت اقولك تصير مشكله وحاليا هو قبل شوي داخل ،،، ابوناصر استخف وتعوذ من ابليس واتصل على اثنين من اخوانه قالهم تعالو معاي ساعدوني على الرجال ما ودي ارتكب جريمه في شخص ما يتساهل واضيع عمري ،،
    فعلا توكل على الله هو مع اخوانه وجا يدخل للبيت وكان الباب مقفل من جوا بالمزلاج وكلم على زوجته جوال وكان ردها ملخبط وقالها افتحي الباب ليه مقفلته قالت اخاف اجلس لحالي اذا طلعت واقفل الباب بالمزلاج دخل ابوناصر للبيت وكانت الحرمه جدا خايفه ومرتبكه وقال لها نسيت اوراق ابي اخذها ودخل للغرفه ورجع طلع مره ثانيه برا البيت
    وانتظر الاخوان برا الشقه ينتظرون هالرجل الغريب
    بعدها بربع ساعه طلع الرجل الغريب وامسكوه وطلع مين ؟؟؟
    ولد عمها تخيلو لمدة 7 شهور وهو ينام معها ؟؟
    وش كانت الخطه من قبل اهل الزوجه انك انتي تتزوجين هالشخص لفترة وتجمعين فلوس وتحاولين انك تجيبين منه تاشيرات لاخوانك وقرايبك وبعدها سودي عيشته وخليه يطلقك وتتزوجين ولد عمك .
    ــــــــــــــــــــــــــــــــــــــــــــــــــ ـــــــ
    يعلم الله انها قصه حقيقيه
    ويوجد زوجات من دول عربيه شريفات ونزيهات
    ولكن !!!
    ــــــــــــــــــــــــــــــــــــــــــــــــــ ـــــــ
    العبره من القصه من وجهة نظري الخاصه
    - حلاة الثوب رقعته منه وفيه .
    - ومن طلع من داره قل مقداره .
    - وما يحك ظهيري الا ظفيري .
    يخوك دام الله اراد وبغيت تتزوج وحده ثانيه وشفيهم بنات ديرتك ؟؟ يا اخي هم امك واختك وبنتك ،، ونفس عاداتك ويعلم الله ما يستر عليك الا بنت ديرتك
    عزو بنات ديرتكم ومافي احد يرضا على اخته او بنته انه زوجها يتزوج عليها من داخل الديره فما بالك من دول اجنبيه .
    حفظنا الله وياكم
    وستر الله على الجميع
    اخوكم / ابونواف




  2. #2
    تم ايقاف العضوية من قبل الأدارة
    تاريخ التسجيل
    28-06-2005
    المشاركات
    139

    رد: ابي اتزوج وحده ثانيه اجنبيه حالي حال خلق الله

    مااقول إلا كما قال الشاعر حجاب بن حثلين احم احم حجاب بن نحيت
    مااريد إلا سعوديه
    بالعبايه مخفيه




  3. #3
    عضو نادي الألف الصورة الرمزية ابونواف
    تاريخ التسجيل
    18-02-2008
    المشاركات
    21,646

    رد: ابي اتزوج وحده ثانيه اجنبيه حالي حال خلق الله

    اقتباس المشاركة الأصلية كتبت بواسطة ابو معاذ مشاهدة المشاركة
    مااقول إلا كما قال الشاعر حجاب بن حثلين احم احم حجاب بن نحيت
    مااريد إلا سعوديه
    بالعبايه مخفيه
    صح لسانه
    شاكر مرورك اخوي

    وفقك الرحمن




  4. #4
    عضو فعال
    تاريخ التسجيل
    28-12-2008
    المشاركات
    43

    رد: ابي اتزوج وحده ثانيه اجنبيه حالي حال خلق الله

    اعوذ بالله

    هالاجنبيات ضررهم اكبر من نفعهم

    والمشكله لاجاك واحد غشيم وينلعب عليه هنا البلا

    شاكره لك




  5. #5
    [COLOR= #B22222]عضو نادي الألف[/COLOR] الصورة الرمزية حنين الطفولة
    تاريخ التسجيل
    19-08-2009
    المشاركات
    6,135

    رد: ابي اتزوج وحده ثانيه اجنبيه حالي حال خلق الله

    العبره من القصه من وجهة نظري الخاصه
    - حلاة الثوب رقعته منه وفيه .

    - ومن طلع من داره قل مقداره .
    - وما يحك ظهيري الا ظفيري .

    ===============

    ما عاد بعد وجهة نظرك كلام

    يعطيك ألف عافية ....
    وكان الله في عون الجميع




  6. #6
    عضو نادي الألف الصورة الرمزية ابونواف
    تاريخ التسجيل
    18-02-2008
    المشاركات
    21,646

    رد: ابي اتزوج وحده ثانيه اجنبيه حالي حال خلق الله

    اقتباس المشاركة الأصلية كتبت بواسطة اللاوند مشاهدة المشاركة
    اعوذ بالله

    هالاجنبيات ضررهم اكبر من نفعهم

    والمشكله لاجاك واحد غشيم وينلعب عليه هنا البلا

    شاكر لك
    ربك يعين
    شاكر مرورك
    وفقك الرحمن




  7. #7
    عضو نادي الألف الصورة الرمزية ابونواف
    تاريخ التسجيل
    18-02-2008
    المشاركات
    21,646

    رد: ابي اتزوج وحده ثانيه اجنبيه حالي حال خلق الله

    اقتباس المشاركة الأصلية كتبت بواسطة حنين الطفولة مشاهدة المشاركة
    العبره من القصه من وجهة نظري الخاصه

    - حلاة الثوب رقعته منه وفيه .
    - ومن طلع من داره قل مقداره .
    - وما يحك ظهيري الا ظفيري .

    ===============

    ما عاد بعد وجهة نظرك كلام

    يعطيك ألف عافية ....

    وكان الله في عون الجميع
    تسلمين اختي
    شاكر مرورك
    وفقك الرحمن




  8. #8
    V.I.P الصورة الرمزية نا ااايف
    تاريخ التسجيل
    23-09-2008
    المشاركات
    17,100

    رد: ابي اتزوج وحده ثانيه اجنبيه حالي حال خلق الله

    يسلمووو




  9. #9
    تم ايقاف العضوية من قبل الأدارة
    تاريخ التسجيل
    29-01-2010
    المشاركات
    1,186

    رد: ابي اتزوج وحده ثانيه اجنبيه حالي حال خلق الله

    هلا ابو نواف

    قصه مفيده
    والمشكله في
    هالاوادم خاصـــه
    ربع ابو خمسين وفوق
    من يدخل هالدش وهو
    على قنوات الهز والرز واتقلب
    عيونه من هالاشكال اللي يشوفها
    ومن هالاجسام والابتسامات المدروسه
    زين وتلاقي سعبولته واصله الى عند ركبته
    ومن يناظر ام عياله ويشوف تجاعيد صبرها عليه
    يلف وجهه عنها ويفكر ابو الشباب كيف يعيد مكينة
    التشغيل عنده وكيف يقدر يعرس ويفكر انه اذا حصل
    وحده جميله ومزيونه انه بيلاقي السعادة قصتك
    يابو نواف مش غريبه وتصير وصار اشد واعظم
    منها لأن ربعنا وضعهم غير ومجتمعنا غير
    اي مجتمع ثاني تخيل خاااال عمره 55
    سنه ويروح يعرس ويتطورط بوحده
    راعية بارات ومراقص وفله اوكيه
    الخاااال راعي سامري ووناسه
    بس ايش جاب لجاب ياخي
    عندك بنات البلد والله
    العظيم يستاهلون
    تقيد اصابعك لهم
    وياجي الخااال
    بالمزيونـــه
    والخااال
    على
    بال
    امه
    فحل
    والمشكله
    ان الاخت متعودة
    على الوناااسه وتشوف
    يولدراي الحلاق اللي حول
    بيتهم تركي كنه قزازه وين
    بيروح قلبها وعينها للخااااال
    ولا ليولدرياي قصه طويله المهم
    ما علينا .. الله يستر نساء المسلمين
    والمسلمات ويستر على بناتنا وبنات خلق
    الله .. تحياتي يا بو نواف




  10. #10
    عضو فعال الصورة الرمزية فـاقـدهـ أعـز إنسـان
    تاريخ التسجيل
    30-01-2010
    المشاركات
    31

    رد: ابي اتزوج وحده ثانيه اجنبيه حالي حال خلق الله




    ياربي لك الحمد


    هذي آخرة الزواج من الاجنبيات


    حبيت القصه إن شاء الله يستفيدون اللي ناوين يعرسون من برى


    تحيااااااااااااتي




  11. #11
    عضو نادي الألف الصورة الرمزية қầƒşђκ
    تاريخ التسجيل
    18-07-2009
    المشاركات
    3,342

    رد: ابي اتزوج وحده ثانيه اجنبيه حالي حال خلق الله

    يا زين بنت بلدك اصلك وفصلك واهلك وربعك

    بس انا اؤؤيد زواج الاجنبيه احيانا احس دلعها وتفاهمها غيرررررررر

    ولاا كيف يا ابو نواف ..!!؟


    ..






    ملاحظة :

    سنحاسب يوم القيامة عما نكتبه




  12. #12
    عضو نادي الألف الصورة الرمزية بطه سوداء
    تاريخ التسجيل
    18-11-2008
    المشاركات
    2,628

    رد: ابي اتزوج وحده ثانيه اجنبيه حالي حال خلق الله

    ما اقول الا الله يستر علينا وعليكم




  13. #13
    ِعضو محترف ومتميز الصورة الرمزية قلبه في يديني
    تاريخ التسجيل
    25-09-2008
    المشاركات
    818

    رد: ابي اتزوج وحده ثانيه اجنبيه حالي حال خلق الله

    مشكور ابونواف والله انك صادق اعرف لك واحد شايب عز المعرفه تزوج على زوجته اجنبيه ومن كثرماهبلتبه وجننته طلق زوجته ام عياله عشان يصفالها بلحالهطبعا توه يكتشف انها كانت تخطط وتحوسهم وتكرهم فيه بس وش عقبه طاح وصار مقعد مايتحرك والله ياناس لو تشوفون وشلون تعامله اذا طلعو عياله تفل عليع وانت بكرامه وتضربه واذا طاح بالليل من السرير ماتقوم تشيله تخليه
    الين بكرى بعدين تنادي عماله يجون
    والمشكلة الاكبر انها تستلم جميع ايجاراته ودخله ويقالها تحتفظ فيهم طبعا هو يطيعها لانه مضطر
    ولا الى الحين بانية لها 3 عماير بديرتها والله قهر وكل هذا بدووووووووووووووون مايدري
    تاخذ من فلوسه بدون مايدري
    غير العائلة الكريمه اللي جاية على حسابه هذا يحج وهذا يعتمر وهذا تعبان وهذا,,,,,,,,,,,,,,,,,,,,,
    والله لما اشوفه اقول في قلبي تستاهل ماتسوي فيك اجل احد يفرط بالهلملاك ويروح لهذي
    لدرجة ان ام عيااااااااله كل يوم تمر عليه وتشوف وش يحتاج وش يبغى وتضغط على عيالها انهم يخدمونه بشكل عجيييييييييييب شف بنت البلد وشلون وقت الشدايد
    وكم مره يعرض عليها مبالغ كبيرة عشان ترجع له وتعيي ........لان كرامتها فوق كل شي




  14. #14
    ِعضو محترف ومتميز الصورة الرمزية ABO DANA
    تاريخ التسجيل
    22-06-2008
    المشاركات
    673

    رد: ابي اتزوج وحده ثانيه اجنبيه حالي حال خلق الله

    الحين البنات السعوديات ينبسطووون
    بس الصدق والله ان كلامك صحيح ورايتك بيضاء
    اعرف صديق لي تزوج بوريه قصدي سوريه الله لا يوفقها في ذا اليوم
    سودت عيشته نصحناه يا فلان خل عنك السوريات لكن اخرتها عرف
    يا زين السعوديات صح فيهم ثقاله دم لكن حلووووات وحبوبات هههههههههه




  15. #15
    عضو نادي الألف الصورة الرمزية ابونواف
    تاريخ التسجيل
    18-02-2008
    المشاركات
    21,646

    رد: ابي اتزوج وحده ثانيه اجنبيه حالي حال خلق الله

    اقتباس المشاركة الأصلية كتبت بواسطة حياتي كلها النواعم مشاهدة المشاركة
    يسلمووو

    وفقك الرحمن




موضوع مغلق
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك