منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 4 1 2 3 ... الأخيرةالأخيرة
النتائج 1 إلى 15 من 46
Like Tree0Likes

الموضوع: زوجي حبيبي " طلقني "

  1. #1
    مــــبـــــدع الصورة الرمزية قدري فرقاك
    تاريخ التسجيل
    21-04-2010
    المشاركات
    311

    Post زوجي حبيبي " طلقني "

    السلام عليكم ورحمة الله وبركاته

    اخواني أعضاء المنتدى الأعزاء حبيت أعرض عليكم مشكلتي وحابه أشوف آرائكم واللي اكيد بتفيدني

    عمري 21 سنه ومتزوجه من 10 أشهر بس للأسف مشكلتي بدأت من بداية زواجي وللحين مالقيت الحل

    بخبركم باللي صار وابي مشورتكم ...

    انخطبت في عمر 19 وملكت وبعد سنه صار العرس , في فترة الملكه علاقتي في زوجي كانت سطحيه بالنسبه لغيري من البنات يعني كان يكلمني في الاسبوع مره او مرتين هو يعرفني من أيام الصغر كنت العب وياه لذلك لما تقدم لي ماشافني وماكان مصر على انه يشوفني واهلي ماكانوا مقتنعين بفكرة الشوفه المهم ماكنا نتعمق ونقول لبعضنا كلام حب وغرام كثير.

    تزوجنا واول اسبوع كان احلى اسبوع بالنسبه لي بس كنت خجوله وايد منه وما لمسني اول اسبوع لأن من الخوف والتوتر عشان العرس تقدمت عندي الدوره , وبعدين لما تطهرت جى الوقت اللي يدخل علي فيه حسيته مايعرف كيف يتصرف يعني ماكان في مقدمات غير بوسه وبعدين حاول بس للأسف ماقدر يسوي شي مع إنه حاول كذا مره بنفس الليله وباليوم الثاني جاني الغرفه وقعد وياي وكلمني شوي وبعدين قالي ليش مانمتي للحين وطلع ومن بعدها بدأ يتغير علي يعني بدأ ما يكلمني بالتدريج في البدايه حسيت إني ماعجبته او ماتقبلني يعني حسيت المشكله فيني ودخلت امه في الموضوع عشان تكلمه لأني ماقدرت اكلمه في البدايه لاني كنت استحي منه وايد ومر الشهر الاول والثاني والثالت وهو يبعد عني لدرجة صار مايكلمني ولاينام معاي بالغرفه ولايطلعني كأني مب موجوده في حياته. بس يوديني عند اهلي

    اهله كلموه والغريب في الامر قالهم انا احبها واهي مو مسألة انها ماعجبتني بس انا ما اقدر اكلمها احس حد يصدني عنها وكل ما حاولت اقرب منها احس بصداع فظيع وعلى فكره الصداع ملازمه طول الوقت وبقربي منه يزيد فيه كان متجاهلني لدرجة لما امر قدامه ما يطالعني وانا ماخبرت اهلي لأخر لحظه باللي صارلي كنت متحمله وادري عليه مع إنهم كانوا يلاحظون انه مقصر علي في الطلعات بس للأمانه كان يعطيني مصروفي كل شهر
    قالوا يمكن عين او حد مسويله سحر او شي وكانوا طول هالاشهر اللي طافت يودوه عند مشايخ والاغلبيه يقولون حد مسويله سحر عشان يفرقون بينه وبين زوجته وكانت تطلع عليه اعراض لما يقرون عليه مثلا ألم شديد في ايده وإغماء وغيره وانا طبعا امه وخواته كانوا يخبروني هو شو يقول وكان يقولهم انا ظالم هالبنت وانا اريدها بس مو بإيدي شي وكلام كثير غيره

    عشت أشهر صعبه كثير علي بس اللي كان مصبرني حبي له وتوكلي على ربي وقبل شهر دز لي رساله قالي فيها انه قرر يطلقني ولازم اقدر ظروفه ويمكن ربي يرزقني بواحد احسن منه وحاولت اتفاهم وياه بس قالي هذا قراره النهائي طبعا بالمسجات وماكان يرد على اتصالات يقول ودي اكسر التلفون لما اشوف رقمها

    ألحين حابه اعرف هل كل هذا صار لأنه ماتقبلني او ماعجبته ومب راضي يقول ؟
    وهل في وحده في باله من البدايه ؟ وليش خذني إذا فعلا في ؟
    هل اللي فيه بفعل سحر او حاله نفسيه صارت له من إنه ماقدر يدخل علي ؟

    هو قال لأهله لما جاني حس كأن شي يشده عني وماقدر يكمل

    من بعد المسجات اللي دزهم راح ابوه لأبوي وقاله على حالة ولده وانه يبي يطلقني لأنه حاس إنه ظالمني ولما شاورني ابوي قلت له موافقه ع الطلاق دامه مايبيني وتخلى عني بالرغم من صبري واهله خلوه فتره يفكر فيها وبعدين لما كلموه قالهم انه هون عن موضوع الطلاق وانا من 4 اسابيع عند اهلي وماعرف عنه شي بس قبل اسبوع طرشت له مسج وقلت له أبيه يطلقني وهذا احسن حل مع إني ماودي هالشي يصير.

    بصراحه أحس إنه ماتقبلي بس مب قادر يقول ولما قلت له يطلقني ابغيه ياخذ وحده غيري وتسعده ادور راحته ع حساب راحتي والشي اللي خلاني اصر على الطلاق اكثر إنه ماصارحني باللي فيه يعني انا صابره وانا ماعرف شو المشكله من اساسها وهو انسان كتومي يعني مايطلع شي ويحاول يتجنب المشاكل, بس والله احبه ويابخت اللي بتاخذه لأنه شاب وسيم وشخصيته حلوه

    فقدت ثقتي في نفسي واحسني ماقدر استمر وياه بالرغم من حبي له يعني هل اللي سويته صح وإذا في حل ياريت تقترحونه علي . انا ابيه يروح عند دكتور نفساني لأني احس المشكله نفسيه بس مادري هو كيف عايش ويفكر الحين .. قمة القهر




  2. #2


  3. #3


  4. #4
    ِعضو محترف ومتميز الصورة الرمزية وين أحصلها بس
    تاريخ التسجيل
    11-11-2009
    المشاركات
    861

    رد: زوجي حبيبي " طلقني "

    اممممم
    والله قصتكي حزنتني
    على العموم نصيحتي المتواضعه
    خليه فتره بعيد عنك
    و اذا في نفسه شي منك بيزول او اتوقع انه زال مادام انه هون عن فكرة الطلاق
    بس خليه فتره كمان عشان يتأدب <<امزح

    الله يوفقك ويسعدكم مع بعض




  5. #5
    [COLOR= #B22222]عضو نادي الألف[/COLOR]
    تاريخ التسجيل
    11-02-2010
    المشاركات
    2,618

    رد: زوجي حبيبي " طلقني "

    انتى للان بنت (بكر) كما فهمت من عرض مشكلتك فاذا فهمى صحيح فانتى لا ترجعين له الا لم يتعالج
    ويبين عليه يكون متلهف عليك لما يتعالج

    واذا لم يتعالج فالطلاق ابرك لك لانك بكر ويكون سهل زواج لان المطلقه صعب زواجها والله ييسر امرك




  6. #6
    مــــبـــــدع
    تاريخ التسجيل
    19-02-2010
    المشاركات
    411

    رد: زوجي حبيبي " طلقني "

    اصبري يمكن صح حسد او عين

    واستخيري قبل كل شي
    ربي يوفقك ويسعدك




  7. #7
    عضو نادي الألف الصورة الرمزية ناصر111
    تاريخ التسجيل
    29-01-2008
    المشاركات
    1,357

    رد: زوجي حبيبي " طلقني "

    نعم قد يكون اصابته عين او حسد وهذا يحصل في كثير من الزيجات وليس العيب فيك فأبعدي عنك هذه الوساوس لكن ان ذهب الى مشائخ للقراءة عندهم لفترة معينة قبل الطلاق فلعل ذلك حسن وان شاء الله يعود افضل مما كان0


    دكتور يالله جهّز الغرفه ألحين
    وناد استشاريين علم الجراحه
    بنجيك أنا واللي عشقته من سنين
    من بـعدنا ماشافت العين راحه
    دكتور تكفى مانبي نكون شخصين
    شف لك طريقه تختصر هالمساحه
    مابي تخلّي بيننا يسار ويمين
    ادمج بعضنا ببعض لوهي إباحه__________________


  8. #8
    كاتب متميز الصورة الرمزية رومانسية طاغية
    تاريخ التسجيل
    17-03-2010
    المشاركات
    122

    رد: زوجي حبيبي " طلقني "


    الله يسهل أمرك عزيزتي ويرجع لك زوجك
    أمهليه يتعالج وأن شاء الله ما فيه إلا الخير لك وله
    أحزنتيني بقصتك والله لا يسامح كل من يقوم
    بالتفريق بين الازواج وقطع الارزاق

    موفقة يا رب




  9. #9
    عضو جديد
    تاريخ التسجيل
    07-03-2010
    المشاركات
    19

    رد: زوجي حبيبي " طلقني "

    الله ييسر امرك يا اختي ..كثري من الاستغفار وربنا رحيم


  10. #10


  11. #11
    مــــبـــــدع الصورة الرمزية قدري فرقاك
    تاريخ التسجيل
    21-04-2010
    المشاركات
    311

    رد: زوجي حبيبي " طلقني "

    اصبر على المقسوم لو كان فيه حرمان .. يمكن يصير بتالي الوقت خيره


    شكرا للي رد على وجبر بخاطري .. أنا صبرت كل هالمده ومستعده اصبر أكثر
    بس اريد اتمسك بأي أمل اتمنى لو يقولي بنفسه إنه يبيني أصبر وإنه متمسك فيني
    خاطري اعرف أنا شو بالنسبه له ألحين ..

    بس تدرون كل اهله حبوني , أمه تتصل لي اسبوعيا وتعاملني مثل وحده من بناتها
    وتذكرني بالخير في غيابي الحمدلله والكل يقوله يابخته فيني وانا وربي شاهد كنت زينه
    وياهم واساعدهم وأكبر دليل طول هالمده وماصار بيني وبين اهله اي مشكله او زعل
    الحمدلله

    يعني بنتظر وبشوف شو بيصير بعدين .. وإذا ربي ماكتب لي الاستمرار وياه بصير وحده منكم وبنظم لنادي المطلقين

    (=




  12. #12
    [COLOR= #B22222]عضو نادي الألف[/COLOR] الصورة الرمزية فتافيت سكـر
    تاريخ التسجيل
    21-10-2008
    المشاركات
    5,122

    رد: زوجي حبيبي " طلقني "

    دام المشايخ قالوا ان اللي فيه سحر .. حطي في بالك ان كل اللي صار معكم مو بيده
    كله من تأثير السحر
    حاولي تخلين اهله يقنعونه انه يتعالج .. واذا تعالج ارجعي له
    موفقه


  13. #13

    رد: زوجي حبيبي " طلقني "

    لا حول ول اقوة إلا بالله اعلي العظيم

    خليك عند اهلك وشيلي فكرة الطلاق حاليا

    وخلييه يستمر بالعلاج شكله سحر وان شاء الله يشفى


    تحيااتي










    شكر خاص لمن اهداني التوقيع


  14. #14


  15. #15
    عضو نادي الألف
    تاريخ التسجيل
    15-08-2009
    المشاركات
    1,979

    رد: زوجي حبيبي " طلقني "

    الله ييسر امرك ويفرجها عليك




+ الرد على الموضوع
صفحة 1 من 4 1 2 3 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك