منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 5 1 2 3 ... الأخيرةالأخيرة
النتائج 1 إلى 15 من 73
Like Tree0Likes

الموضوع: زوجي يحبني ويخوني .......ساعدوني

  1. #1
    عضو فعال
    تاريخ التسجيل
    02-03-2010
    المشاركات
    31

    Exclamation زوجي يحبني ويخوني .......ساعدوني

    [اخواني اخواتي السلام عليكم ورحمة الله وبركاته
    اعرض عليكم مشكلتي وارجو من الله ثم منكم ممن لديه حل ان ينيرني به
    انا متزوجه من 13 سنه عندي ولدين وبنت متزوجه من زوجي عن حب من طرفه يعني كان حاط عينه علي من يوم وانا صغيره ولما كبرة وسمع بوجود من يطلبني تقدم لي عشت ايام خطبه وزواج سعيده بس عيب زوجي شي واحد بس انه كسر قلبي من ثاني سنه زواج عندما اخبرني بوجود انسانه بحياته بالتلفون وانه قابلها واخبرني بأنه تاب منها وطبعا سامحته لاني احبه لدرجة العما \ بعدها بسنه يخبرني بوجود وحده ثانيه وكمان سامحته وكل سنه يطلع بعلاقه جديده وكل مره يتوب ويعتذر ويطلب عدم تركي له \قبل عشر سنين دخل النت بالبيت وكان ينام وياكل ويغير ملابسه في غرفة النت بالبيت تعبت شكيت انهرة وكان يرفض الين جاه قرار بالفصل لنه صار ينام عالنت ويترك الدوام \طبعا وقتها انا فتحت النت وشفت اسم الي يخوني معها وانهرة من الكلام الي بينهم وقررة تركه وكعادته انهار امامي وطلب مني اني اغفرله وانه تاااب توبه نصوحه وطلع النت من البيت ليثبت لي وطبعا كعادته رجع لسوالفه يستخدم النت بالمحلات الخاصه لها ويكلم باللتلفون ونفس السالفه ويتوب وكنت اسامحه بانه طيش\ حتى بسفراته كان يرجع ويشتريلي عطر يقول شميت ريحته بوحده بالصدفه مرة جنبي وسالتها وعطتني اسمه ورغم ذالك احطه اقول يشمه فيني ولا يشمه بغيري حتى لون شعرك ابيه كيذا شفته على وحده ابي سنونك بالليزر تبيض ابي كرستال فيها ابيك ربروبه ومن هالحكي وكنت البي كل شي يقوله وزي ماقلتلكم علشان لا يدوره بغيري \
    استخدم النت زي ماقلتلكم برا وفعلا مالاحظة عليه شي خلال السنين الي كان يستخدم النت فيه لان
    البيت مافيه نت
    الييييين السنه الي راحة طلبني يدخل النت بالبيت بحجة عياله انه يبيهم يستفيدون منه وقالي ابيك تثقين فيني وراح اثبتلك كلامي وحلفلي عالمصحف ودخلنا النت البيت وفعلا جلس نص سنه مايستخدمه غير قدامي ووثقت فيه \سافرة لهلي شهر كعادتنا السنويه بحكم انهم بعيدين عن المدينه الي اعيش فيها وكان يرسلي رسايل حب وانه مايطيق البيت بدوني ويبكي وكنت اقول برجع كان يقولي لا بجيكم انا \واسمحولي حتى انه كان يطلبني صوري عالنت وان امارس معه حتى الجنس عالتلفون او النت وكنت البيله بحكم انه زوجي ومعيشني معشوقته \اخذ اجازة يومين وجاني هناك وكأني عروس معيشني احلى ايام وبدون عيالنا وكان يضمني حينها ويقولي تكفين لاتتركيني انا ندمان اني مضيعك كل هالسنين وهو يبكي وكان ينام ويقولي نامي جنبي لاتقومين الين تقوليلي تكفين اخاف افقدك وكنت بيني وبينكم مستغربه ليش يقولي كيذا \ورجعنا سوى وبعد مرور شهرين على رجوعنا للبيت وانقضا الاجازه !!!!!!!!!!!!!
    الصدمه تكمن هنا
    فتحت النت فجأه وكانت نفسي تقولي ادخلي المستندات ولقيت له محادثه انحفضت له وهو مايدري مع وحده هي الي كانت سببي انا وياه بالنت قبل عشر سنين والي بسببها كاد ان ينفصل وان يخسرني ووعدني بترك النت وقتها هي نفس الانسانه \وجدة له كلام حب وعشق من طرفه رغم انها كانت تهزئه وتعاتبه وكان ينذل لها ويترجاها انها تسامحه على البعد عنها سنه كامله لأجل العيش والملح الي كان بينهم وعلى مابكو وضحكو سوا وهي طبعا متزوجة وعندها بنت وتقول له لي سنه ماباركت لي واكيد كله بسبب زوجتك وهو يبرر لها وصارة تهدده بفلوسها الي عنده وتقوله رجعلي فلوسي وهاذا اخر شي بيني وبينك \طبعا الحب الي عيشني فيه وانا عند اهلي بالاجازه هو بعد البعد عنها \تخيلو مخدوعه طول عشر سنين مبيلي اني الحبيبه والعشيقه والي مايقدر يعيش بدونها ووجدة ان نفس الكلام انقال لها\ رغم مكالماته بالتلفون والتوبه بس كنت اقول بنات مختلفات الحمد الله ان ماوحده مكنته انه يحبها
    لما كشفته انهار وحلفلي انه تااااب وان الي كان بينا بالأجازه من حب ووناسه هو بعد صحوته من غفلته وانه كان مضيعني كل هالسنين وانه ندمان وان الي جالس يسويه هو تبرير عن توبته ورجوعه لي وطلبني اعطيه فرصه
    طبعا انصدمت وأنهرة ومازلت اعيش الصدمه لي اربع شهور رغم والله طيبة قلبه ورغم انه معيشني ملكه حتى والله انه مطلعني باريس لوحدي بدون عيالي لأني تركتهم عند هلي يدرسون وكله علشان نجدد حبنا على قولته ومالي غير اسبوعين من رجعتي لوحدي وهو باقي يكمل الاسبوعين حقت الدوره الاخيره \\اللا انني اعيش حالة انكسار وماحسيت بسعاده معاه بسفري كنت ابكي في فراشي بعد ماينام كل يوم حتى وانا لوحدي انطوي على نفسي وابكي .اصابني برود جنسي وعاطفي له سرة اتملل من قربه مني ومن صوته
    نحن نمثل اسره متحابه انا وزوجي وعيالي بس فيني شي يرفضه غصب عني حاولة انسا وأكابر ورغم ذالك اجد نفسي مكسوره ومنهاره تعبت وربي تعبت حتى الحين يطلبني مايمر 24 ساعه اللا واكلمه وهو مسافر ورغم ذالك وربي انفذ وانا كارهه له ولصوته ورغم ذالك اكلمه علشان لايزعل
    لاتقولون انتي السبب (انا وربي الي يشهد علي مريحته ببيته وبنفسي وبجسمي يسمن وينحف فيني زي مايبي يختار حتى ملابسي والوان مكياجي مرضيته جنسيا حتى انه يثني علي دائما ويقول لي (مااتوقع احد بالدنيا هاذي عايش مرتاح عاطفيا وجنسيا مثلي) وكنت انبسط وازيد...نظيفه ببيتي ونفسي وعيالي واتحسس انه يلاقي شي ورائي بالبيت مشبعته عاطفيا حتى بعمله وبسهراته وبعده عن البيت ارسله رسايل شوق وحب كل شي اسويه له لاني احب ان يعيش ملك ببيته ويكون سي السيد وانا اشوف انه من حقه يعيش ملك\\وربي الحين كل شي نفس اول اللا الجنس والعاطفه قلت عندي لاني احس اني السنين الي راحة كانت قمت عطائي رغم خياناته وكنت ازيد علشان اشبعه عاطفيا وجنسيا ورغم ذالك ماكان يحس بوجودي والحين انا الي انكسر وانهدم انا الي انطفت شمعتها رغم محاولتي باشعالها من جديد اللا انني اجد الرياح تطفيها من جديد..وهو منكسر ومنحرج ورغم ذالك لم استطع ان اكرهه بل انصدمت منه وارفضه .ابيه وماابيه اعيش صراااع داخلي \كيف تيجي حلوها اخاف اصدقه وانصدم من جديد وحينها اخسر نفسي قبل مخسره واخسر عيالي لاني محتاجه طبيبه نفسيه تساعدني من الخروج من حالت الانكسار الي انا اعيشها
    اريد مساعدتكم لي ولكم مني كل الشكر والحب ((ربي الي يشهد علي بكل شي اقوله اني صادقه ))
    اعذروني عالاطاله
    ودمتم بود




  2. #2
    ِعضو محترف ومتميز الصورة الرمزية مجرمه
    تاريخ التسجيل
    18-12-2010
    المشاركات
    969

    رد: زوجي يحبني ويخوني .......ساعدوني

    ان شاء الله ربي يصلح بينكم
    الخيانة مذاقها مر وصعبة ماالومك على احساسك شي متعب سنين وانتي تسامحي
    طيب جربي تدعيله بالهداية وربي يصلحه
    الحمد لله زوجك افضل من غيره برغم خياناته
    يعني يسفرك يدلعك يحبك
    تذكري ايجابياته والاشياء المميزة به
    زمن الرجال انتهى مااحد كامل بالعالم ذا
    الله يكون بالعون ويهديكم


  3. #3
    عضو فعال
    تاريخ التسجيل
    02-03-2010
    المشاركات
    31

    رد: زوجي يحبني ويخوني .......ساعدوني

    اقتباس المشاركة الأصلية كتبت بواسطة مجرمه مشاهدة المشاركة
    ان شاء الله ربي يصلح بينكم
    الخيانة مذاقها مر وصعبة ماالومك على احساسك شي متعب سنين وانتي تسامحي
    طيب جربي تدعيله بالهداية وربي يصلحه
    الحمد لله زوجك افضل من غيره برغم خياناته
    يعني يسفرك يدلعك يحبك
    تذكري ايجابياته والاشياء المميزة به
    زمن الرجال انتهى مااحد كامل بالعالم ذا
    الله يكون بالعون ويهديكم
    ومو هاذ الي قاهرني انه يهتم فيني ويخوني وانا اعطي انسان كنت له ولاشي خلال عشر سنين وهاذ الي ذابحني
    تخيلي حتى سمعني اغنيه بعد رجعته المره الاولى من السفر وتوقعت انه يهديها لي لنه كان يغنيها ويأشر علي وهو يسمعلها وبعد مرور شهر يخبرني انه يحبها لنه كان يرقص عليها بمرقص بباريس مع وحده مغربيه وزملاه وفاجئني بصوره مع هيفا وهبي في محل سيفورا بباريس لما صادفوها وطلبو منها ونشر صوره على زملاه واقاربه وانا حسيت بفشيلة هالشي لما يسالوني
    وربي بدعيله كنت اول بدعي عليه من قهري بس نصحتني وحده وقالت اذا دعيتي عليه بيرجع شره عليكم ادعي له وبتشوفي وفعلا كل شي فيه تغير اللا خيانتي ماتاب وتعبت والله تعبت


  4. #4
    عضو نشيط الصورة الرمزية غصن البنفسج
    تاريخ التسجيل
    24-02-2009
    المشاركات
    81

    رد: زوجي يحبني ويخوني .......ساعدوني

    انتي ماتبغين الطلاق صح؟؟؟؟ يعني اصبري عليه وادعيله (اللهم اجعله قره عين لي )دايما ودوري ورى رضا الله وخليه وبتشوفين هو يدرو رضاكي .... وبالتوفيق



    من مواضيع العضو
    اسأل وابغى الجواب

    استغفرالله الذي لا اله الاهو واتوب اليه
    الدنيا حلوه بس نفهمها


  5. #5
    مــــبـــــدع
    تاريخ التسجيل
    02-02-2009
    المشاركات
    381

    رد: زوجي يحبني ويخوني .......ساعدوني

    الله يعينك .................الى يخون مره بيخون الف مره .............ومالك الا الدعاء والاستغفار .......




  6. #6
    عضو فعال
    تاريخ التسجيل
    20-11-2010
    المشاركات
    45

    رد: زوجي يحبني ويخوني .......ساعدوني

    السلام عليكم

    يختي لاتزعلين مني بس اكيد في فقره مفقوده بينك و بين زوجك يخليه يركض وراء النت والبنات ...لاتقولين مافيني ترا الانسانه ماتشوف نفسها ولاتدري ايش ناقصه لان الانسان دايما راضي عن نفسه ... غيري اسلوبك بالكلام معه ... لاتتركينه لحاله .. شوفي ايش السوالف الي يحبها و شاركيه فيها ... لاتخلين المطبخ والعيال يشغلونك عنه ... حاولي تخلصين كل امورك و اذا جاء تكونين متفرغه ماعندك الا هو ... الملابس غيريها 180 درجه يمكن مايعجبه طريقتك باللبس او المكياج ... العطورات اشتري وكل يوم نوعي له ... غرفه النوم غيريها .. ارسلي له رسايل حب و غرام .. حتى الجنس غيري اسلوبك معه ...اعزميه على كوفي شوب .. اطلعي معه لوحدكم ... امسكي يده ...احتويه نفسيا و عقليا و جنسيا و اجتماعيا ...

    و دايما رددي ...ياَ ربي لا أسألك إلا رضاكَ و لاتنسين تقرين سوره البقره

    وان شاء الله انه بيتغير يارب ياكريم




  7. #7
    كاتب متميز الصورة الرمزية اماريس
    تاريخ التسجيل
    14-03-2010
    المشاركات
    198

    رد: زوجي يحبني ويخوني .......ساعدوني

    الله يكون بعوونك يارب

    اختي العزيزهـ بعض الرجال .. زي زوجك .. تصنيفه من اللي تتفلين عليــه ويلصق ( زي طوابع البريد )

    شوفيه مأذيك ومأذي بنات خلق الله .. يذل نفسه للي ما تبيه ..

    زوجك ما يستاهلك هو عارف انك تحبينه عشان كذا يتمادى اذا شافك صديتي يتذلل

    واذا جيتي يسوي اللي براسه .. هو مريض ترى ويحتاج علاج .. الله يكفينا ماجاهـ

    انتي الحين بتظلين بهالدائرهـ اللي ما تنتهي ويتكرر نفس الي صار للاسف

    يبي لك تكونين انسانـه حازمة وصاملة على علمك .. وتأخذين قرار قوي وبتدخل رجــل من اهلك

    زوجك هو المفروض يعيش النفسية اللي انتي فيها مو انتي !!

    وبيموت الف موتة لو بعدتي عنــه وبيصير همه وشغلة الشاغل يجيبك ..

    واذا انتي ما براسك هالموال .. فا مالك الا الصبر والتطنيش ولا تفتشين وراه لانك بتلاقين كل مره الي ما

    بيعجبك .. ادعي له بالهداية ودايم بيني لة انك عارفة وضعه وانة مو هو اللي يضحك عليك يمكن بس

    يستحي من نفسة شووي .. مو كل الرجال يحبون يكونون سي السيد ترى ..

    يختلفون فيه ناس تحب التملك وفيه ناس تحب الي تخلية يجري وراهاا وفية ناس تعشق اللي تتعبه بكل

    حرف وعندك هالمنتدى اكبر مثال وربي لو تقرين فيه يشيب راسك

    الله يصلح الحال يا بنت الاجاويد .. ممكن تذكرينه بعاقبه هالشىء وان هذا الامر اللي يسوي

    كلة ( دين وقضاء ) يخاف الله فيك وببناته واخواتة واهلة وقرايبة

    الله يحميكم ويحفظكم ويستركم دنيا واخرهـ

    والله يهدي من ظل ,,

    وانتي ياحلوهـ روقي ولا تدمرين نفسك .. عيشي ملكة لنفسك وبيتك واهلك واولادك

    مو نهاية الدنيا رجل خــائن بالعكس لايكسرك .. صيري قويــه

    لانك كفو وبنت رجال واحسن منة وانتي قدوهـ عيالك لا يدمرك ابداا

    فليها وانبسطي وافرحي ولا تفارقك البسمة عيشي لنفسك منجد مارح ينفعك ااذا ضيعتي عمرك عشانة

    وهو ما يستاهل ظفرك ..

    خافي الله فيــه وادي واجباتك وماله غيرهاا وخلية يحسب حساب لتصرفاته معك

    الله يفرج همك يا حلووهــ



  8. #8
    عضو نادي الألف الصورة الرمزية " رحـــيل "
    تاريخ التسجيل
    24-04-2007
    المشاركات
    2,773

    رد: زوجي يحبني ويخوني .......ساعدوني

    اقتباس المشاركة الأصلية كتبت بواسطة اخت فهد مشاهدة المشاركة
    السلام عليكم

    يختي لاتزعلين مني بس اكيد في فقره مفقوده بينك و بين زوجك يخليه يركض وراء النت والبنات ...لاتقولين مافيني ترا الانسانه ماتشوف نفسها ولاتدري ايش ناقصه لان الانسان دايما راضي عن نفسه ... غيري اسلوبك بالكلام معه ... لاتتركينه لحاله .. شوفي ايش السوالف الي يحبها و شاركيه فيها ... لاتخلين المطبخ والعيال يشغلونك عنه ... حاولي تخلصين كل امورك و اذا جاء تكونين متفرغه ماعندك الا هو ... الملابس غيريها 180 درجه يمكن مايعجبه طريقتك باللبس او المكياج ... العطورات اشتري وكل يوم نوعي له ... غرفه النوم غيريها .. ارسلي له رسايل حب و غرام .. حتى الجنس غيري اسلوبك معه ...اعزميه على كوفي شوب .. اطلعي معه لوحدكم ... امسكي يده ...احتويه نفسيا و عقليا و جنسيا و اجتماعيا ...

    و دايما رددي ...ياَ ربي لا أسألك إلا رضاكَ و لاتنسين تقرين سوره البقره

    وان شاء الله انه بيتغير يارب ياكريم

    الحرمه تقول ماقصرت في شي بس باين انه من النوع النسونجي يعني يحتاج في حياته اكثر

    من مرأه وتأكدي انك الاساس في قلبه وحااااافظي عليه قد ماتقدرين


    غيره يخون ويجرح ولا يندم

    زوجك ايجابياته كثيره وتأكدي الكمال لله


    خلك وراهـ 00الله يكون بعونك وادعي ربي اجعلني قرة عينه






    0
    0





    سبحان الله وبحمده سبحان الله العظيم




    _*دعواتكم لوالدي بالشفاء العاجل*_
    ***
    الف مبروك قدوم الكتكوت (بــــدر)
    يتربى في عزكم يارب<<اخيرا


  9. #9
    عضو نادي الألف
    تاريخ التسجيل
    06-01-2010
    المشاركات
    8,236

    رد: زوجي يحبني ويخوني .......ساعدوني

    اعتقد ان في زوجك مركب نقص يدفع به لفعل الامور المحرمة حتى يعوض هذا النقص

    ومع الاسف لا اعلم ماذا يجذبه لذلك . ربما انت بحكم العشرة تقدري تتوصلي

    لهذا السر فتمنحيه له


    أجمل ما في حرية الانترنت أنها في غيبة الرقيب سوى الله جل في علاه
    تعطيك الفرصة لتعرف حصتك من نبل السلوك ونصيبك من طهارة الضمير


  10. #10
    عضو فعال
    تاريخ التسجيل
    02-03-2010
    المشاركات
    31

    رد: زوجي يحبني ويخوني .......ساعدوني

    غصن البنفسج \\فعلا مابي اتطلق لأن الناس بتركض ورا السبب مو للمساعده بل للشماته بس ابي نعيش انا وياه زي الاخوان باالبيت ونعيش لعيالنا ولما اقرر هالشي واقول بعدها يكون حر نفسه معاد يهمني ارجع ويكسر خاطري واندم وارضخ لن مشاكلي مابيها تأثر على عيالي مصيبتي الكبرا اني ماقدرة اكره
    وربي دائما ادعي ربي اجعلني قرة عينه واجعله قرة عيني وجنبه بنات السوء وبنات الحرام.....لكن !!!!!!


  11. #11
    عضو فعال
    تاريخ التسجيل
    02-03-2010
    المشاركات
    31

    رد: زوجي يحبني ويخوني .......ساعدوني

    هذيان امراه \\وهاذا الي خوفي منه اخاف اغفرله واصدقه ويضيع عمري واكتشف بعد فتره انه جالس يخوني بحكم الرقم لأنه ماسحه من الجوال بس مو ماسحه من راسه ورغم انه طلبني احط رقم على اميله الاول رقم من عندي بدون مايدري هو به بس ايش الي يضملي ماهو عارف رقمها وبامكانه يسوي ايميل ثاني ويرسله لها او لغيرها وهاذ الي مجنني اني فقدة الثقه به تماما رغم محاولاته بأقناعي انه تغير


  12. #12
    ِعضو محترف ومتميز الصورة الرمزية دآفي الاحضآن
    تاريخ التسجيل
    04-10-2009
    المشاركات
    831

    رد: زوجي يحبني ويخوني .......ساعدوني

    زوجك يحب الذل !
    و متربي عليه .. ولآ يعيش بدونه .!
    اقري موضوعك بعد ردي وبتعرفين ليه قلت لك كذآآ !
    هذآ فيه نوووع من النفس السآديه بس بالعكس يحب انه ينذل !!!!!




    أنا على يقين أني جزءٌ من التاريخ
    وعلى غرار ذلك .. أنآ إنسـان لن يتكرر !

    ••• }


  13. #13
    ِعضو محترف ومتميز الصورة الرمزية دآفي الاحضآن
    تاريخ التسجيل
    04-10-2009
    المشاركات
    831

    رد: زوجي يحبني ويخوني .......ساعدوني

    اعتقد ان في زوجك مركب نقص يدفع به لفعل الامور المحرمة حتى يعوض هذا النقص
    عذر اقبح من ذنب !!!!!!!!!!!
    كل مآ جآء وآحد خآين قليل دين و ادب قآل "نقص" !!!!!!!!
    نآس جآلسين 30 سنه و اكثر بدون زوآآآج ولآ قبلوآ الحرآم !!!
    و هذآ متزوج و حلآله عندهـ و تقول نقص !
    ايهم تقبل النقص ولآ العدم ؟؟؟؟؟
    ورب العزهـ والجلآل عذر اقبح من ذنب !




  14. #14
    عضو فعال
    تاريخ التسجيل
    02-03-2010
    المشاركات
    31

    رد: زوجي يحبني ويخوني .......ساعدوني

    أخت فهد\\وربي كنت اقول اني انا السبب طول هذي السنين وكنت اقله امانه ايش الي فيني تبيني اغيره وكان يقولي وكنت اغيره من وقتها واجلس فتره واقله امانه انت راضي عني من جميع النواحي وللا باقي فني شي تبيني اغيره ويرد انتي كامله من كل شي حتى اسألي الناس وكنت لما اروح عند ناس وارد من عزيمه او زواج كان يقولي امانه ايش كان رايهم فيك امانه ماقالو حلوه تهبلين امانه مامدحوك
    ولما احكي له عن صداقه جديده لي بالعمل او بين الجيران كان يرد ويقول قلتلك انك تنحبين ((يعني لو فيني شي كان عاتبت نفسي اني انا السبب))
    وربي نطلع مطاعم لوحدنا وكفيات ونسهر لوحدنا وزي مقلت من اول معيشته سي السيد لني احب الرجال يكون مرتاح ببيته وحتى شغلي اخلصه قبل مايجي واذا صادف وجا بدري اتركه وألبيله حاجاته واذا بكمل شغلي ابوسه واعتذر منه اني بتركه فتره بسيطه علشان بكمل شغلي وهو مثلا يتابع تلفزيون. بيتي مايرجع من عمله اللاوهو نضيف ومبخر رغم اني موضفه وماعندي شغاله لني مااتخيل نفسي جالسه وعاطله وهي تأدي دوري ببيتي ......
    انا من النوع الي يتحمل ويصبر ولا اتكلم حتى لو جلس يشتم الين اخذ قدري من التحمل وانفجر وازعل منه واجلس ابكي واهجره بس مااكمل يوم يومين وارجع اراضيه رغم ان انفجاري عليه بسببه مثلا يسب احد من هلي او يتركني انا وعياله ولايسأل ولما اعصب عليه يرجع زي الالف بس تعبت ابيه يسوي الشي بدون ماانبه او اعصب عليه


  15. #15
    عضو نادي الألف الصورة الرمزية سنوات الصفصاف
    تاريخ التسجيل
    12-05-2010
    المشاركات
    14,568

    رد: زوجي يحبني ويخوني .......ساعدوني

    اقتباس المشاركة الأصلية كتبت بواسطة دآفي الاحضآن مشاهدة المشاركة
    زوجك يحب الذل !
    و متربي عليه .. ولآ يعيش بدونه .!
    اقري موضوعك بعد ردي وبتعرفين ليه قلت لك كذآآ !
    هذآ فيه نوووع من النفس السآديه بس بالعكس يحب انه ينذل !!!!!

    اتفق معك



    ملاحظة الانسان ربما يخطي مرة مرتين لكن اكثر من كذا لالالالالالالالالالالالالا اصلا لو تبغين الحق مجرد


    رجوعه مرة ثانيه احس الموقف يحتاج الى موقف صارم منك اسال الله ان يكون في عونك


    وانتي بدورك خليت يتطول والله انتي مو لعبه بيده يحرك مرة كذا ومرة كذا صحيح المراة تسعي


    الى ارضاء زوجها لكن بهذا الطريقه لالالالالالالالالالالالا لك شخصك ولك كيانك


    بنظري زوجك بلوى نسال الله لك صبر والسداد


    ‏‏لا تخسر نفسك وانت تحاول الحفاظ على شخص لا يهتم بفقدانك


+ الرد على الموضوع
صفحة 1 من 5 1 2 3 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك