منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 20
Like Tree0Likes

الموضوع: قصة ولادتي بالتفصيل الممممللل

  1. #1
    عضو نشيط الصورة الرمزية كلي عواطف
    تاريخ التسجيل
    04-05-2010
    المشاركات
    52

    قصة ولادتي بالتفصيل الممممللل

    السلام عليكم حبايبي

    اليوم جبت لكم قصة ولادتي ببنوتي

    اول شي ابغ اقولكم ان مافي شي اسمه تسرع الولادة ولايجيب الطلق صدقوني الطلق مايجيبه الاربي سبحانه

    انا كان مقرر ولادتي في 12-6-1432
    بس كنت اقول لازم اولاد قبل ومن نهاية الثامن الدهرت في عمري ماخليت ولا خلطه الا جربتها والله ماابلغ كل خلطات النت جربتها ولافاد وتعبت نفسيتي وحسيت اني طولت وانا حامل وكل مااسمع فلانه ولدة اجلس اصيح
    واتعبت اهلي كل مااحس بالم اروح المستشفى وماتطلع ولادة طبعن انا ماقلت لكم اني ساكنه مع زوجي في الاحساء وجيت الرياض عشان اولد عند اهلي واهلي سا كنين في الدخل والمستشفى اللي راح اولاد فيه مستشفى الحرس اللي بالخشم العان طبعن اللي في الرياض يعرف قد ايش بعيييييد
    الين يوم11-6-1432 في الليل جاني الم غريب بس ماكان قوي وشوي وراح مارجع ونمت نومه يابنات مانمتها من دخلت السادس مرره ارتحت ولاتضايقة من الكرشه زي كل مره سبحان الله
    الين 5 فجر 12-6-1432 صحاني نفس االالم بس قوي وكان يروح ويجي قلت خليني احسب واشوف كم بينهم وطلع بينهم 5الى6 دقايق وقلت لا مو ولاده لاني قريت ان الطلق يبدا بساعه وبعدين يتقلص الوقت
    وكانت امي تدرس الصباح في تحفيظ القران ومن جيت عندهم ماراحت تخاف يجين الطلق بس اليوم عندها اختبار وسالتني تحسين بشي نزل عليك شي وانا اقول لا تطمني بتروحين وتجين وانا نايمه ومسكينه راحت


    وانا الالم بعده فيه الين الساعه 7 انا يوم شفت السالفه طولت خفت دقيت على صديقتي توها والده وسالتها قالت شكلها ولاده روحي مستوصف تاكدي ومن حضي عندي اختي واخوي ماكان عنده محاضره
    ورحنا مستوصف وكشفت علي الدكتوره وقالت مفتوح 3سانتي ولادة يمه انا خفت وفرحت في نفس الوقت
    ورجعنا البيت واخذت دش سريع ودقينا على ابوي عشان يجي ودقينا على امي عشان تستاذن ونمر ناخذها
    وطلعنا وطبعن المستشفى بعيييد والشارع مكسر وانا حالتي حاله مع الطلق كنت كل ماتجي طلقه احاول ارفع نفسي الين وصلنا
    ودخلت الغرفه اللي قبل غرفة الولادة وكانت الساعهتقريبن10 وزوجي مسافر وارسلت لها اني في المستشفى كنت ابيه يجي
    المهم حطو لي هذا حق النبض الجنين والضغط وكنت بس اون واشد نفسي اذا جاني الطلق الحمد الله ماصرخت
    الين جت ممرضه طالبة امتياز اسمها معصوه الله يعافيهاويعلي مراتبها ويوفقها فهمتني اللي قاعده اسويه خطا وراح يتعبني وعلمتني على الاسترخاء وشمي ورده وطفي شمعه والله يبنات من جد تخفف
    وسالتني الممرضه وش ابغى من مسكن ابرة ظهر ولا عضل وكنت خايفه من ابرة الظهر وقلت لهم ابي عضل
    وزاد الالم وزاد تجمع الممرضات ودكاتره علي انا خفت وكانو يتكلمون انقلش وانا مو فاهمه عليهم
    بعدين جاء الدكتور هيثم وقالي ان ضغطي مره مرتفع وسبب لي تسمم حمل ولازم يولدون في السرع وقت وراح يحطولي طلق صناعي انا سمعت طلق صناعي طارت عيوني قلت اذا طلق طبيعي احس اني بموت
    كيف طلق صاعي


    وقول للممرضه خلاص ابي ابرة ظهر مع اني كنت رافضتها بس خفت من الطلق الصناعي وكل شوي يقول بتفضاء غرفة ولادة وندخلك وانا انتظر الين الساعه 5 العصر والحمد الله فضت غرفه ودخلوني
    وكانت مره مريحه واعطتني الممرضه حقنة الشرج وبعدين جاء الدكتور وسوالي ابرة الظهر على فكره انا اكبر خوافه من الابر مره مااحبها وكنت خايف اتحرك ولا شي بس الحمد الله الدكتور ايده خفيفه ماحسيت بالم ابد وبعدين جلسو ينتظرون الين تخدرت وكان بس من رجلي الين صدري وجابو المغذيات عشان ينزلون الضغط وهو حالف ماينزل على فكره انا ماعندي ضغط في حملي بالعكس كان عندي هبوط ليش ارتفع مدري
    معليش استاذن جانا ضيف لي عودة انشالله




  2. #2
    V.I.P الصورة الرمزية بسمة امل (:
    تاريخ التسجيل
    30-07-2009
    المشاركات
    13,176

    رد: قصة ولادتي بالتفصيل الممممللل

    متابعة




    تمر الأيــــام تلو الأيــــام ... وتمضي الشهور تلو الشهور ...
    وأنا انتظر .. وأعلم يقينا من الله أنك ستأتي ،، حتى وإن طال الإنتظار




  3. #3
    عضو نادي الألف الصورة الرمزية ضوء لقمري
    تاريخ التسجيل
    11-08-2009
    المشاركات
    5,860

    رد: قصة ولادتي بالتفصيل الممممللل

    فى انتظاااار التكمله و مقدما مبروووووووووووووووووووووك ما جاااااك ويتربى فى غزكم وحمد لله على سلامتك




  4. #4
    ِعضو محترف ومتميز الصورة الرمزية ام نودى
    تاريخ التسجيل
    30-06-2010
    المشاركات
    956

    رد: قصة ولادتي بالتفصيل الممممللل

    مو وقت الضيوف الحين ههههههههههه

    ننتظر الباقى ياعسل والف حمدلله على سلامتك




  5. #5
    عضو جديد
    تاريخ التسجيل
    21-05-2011
    المشاركات
    2

    رد: قصة ولادتي بالتفصيل الممممللل

    بدي اسالك ابرة الظهر توجع حسيتي كانه كهربا بيحكو كانه كهربا بالارجل تصير


  6. #6
    عضو نشيط الصورة الرمزية كلي عواطف
    تاريخ التسجيل
    04-05-2010
    المشاركات
    52

    رد: قصة ولادتي بالتفصيل الممممللل

    عدنا
    وكان نظام المستشفى اذا دخلوني غرفة الولادة يدخلون امي ودخلت امي عند وتخيلو من الساعه 6 العصر يوم الاثنين وهم يحاولون ينزلون الضغط الين الساعه واحده في الليل وسبحان الله مانزل الا لمن شغلت جوالي على سور البقره وبعد جت كشفت علي الدكتوره قالت مفتوح 5 انا تحطمت بس خمسه انا طبعن مااحس بالم زي اول بس كنت اذا جت الطلقه احس زي الدف وحس بشي محشور بين رجولي وقالو بيحطو الطلق الصناعي وبيفتوح موية الجنين وتخيلو لمن حطو الطلق بدا يروح مفعول الابره صرت احس ظهري بينكسر الم فظيع فظيع وصرت اون بصوت علي وامي ياعمري عليها شوي تقرا علي وشوي تصيح وتدعي وكنت كل شوي اقولهم عطشانه يقولو مافيه وبعدين جت ممرضة رحمتني وعطتني مويه في غطاء صغييير بس شوي تقول عشان ماتستفرغين وانا خلاص ماعاد اقدر من الم ظهري والمضحك في السالفه جلسة انادي امي الين جت عند راسي قلت لها انا خلاص ماراح احمل مره ثانيه وقولي لزوجي اذا يبي عيل يتزوج ماراح ازعل وقولها توبه ماراح احمل وهي تقول لاتقولين توبه التوبه عظيمه
    وبعدين نادو الدكتور حق التخدير وزاد البنج وخف الالم وماعاد احس بظهري بس احس بدف ورجعت احن عليهم عطشانه وترجع تعطيني الممرضه مويه في هذا الغطا وكنت كل مااحس بدف اشم ورده واطفي شمعه وبعدين جلست احن عليهم جيعانه
    وهم يقولولي لين تولدين وبعدين الساعه 3 جت الدكتوره كشفت قالت 8سانتي والله ستانسة اخيرن مابقى شي وبعدين قالت بفتح موية الجنين وفتحتها وراحت والساعه4 الفجر رجعت شافت وقالت 10 سانتي يالله ولادة


    وراحت وكان عندي ممرضتين بس وكل وحده ماسكه رجل ويقولي يالله دفي وسكري فمك وبديت ادف من الستعه 4 وادف وادف
    الين تروح الطلقه واذا راحت تجين نومه حلوة سبحان الله واذا جت الطلقه اصحى ادف وهم يشجعون
    وكل ماقمت ادف انظر الساعه وجت الساعه 5 وانا باقي ادف وهم يقولو يالله ماما بوش انا شوف شعر شعر بيبي طلع وانا اقول في نفسي شكلهم يكذبون علي اونا كل ماجت طلقه وشوي احس كنه احد قاعد يشق بشي زي الموس وافتح عيني الا هو الدكتور هيثم والغرفه مكتظه بالجماهير ممرضات انا طبعن من بديت ادف وانا مسكره عيوني بس اذا صحيت على الطلقه افتح نص عين اشوف الساعه ووسعني الدكتور وانا صرت ادفوغصب عني واصارخ والكل يشجع الين طلعت بنوتي وكانت الساعه 7 الصباح 13-6-1432يعني اربع ساعات دف و24ساعه طلق ياربي رحمتك
    واول ماطلعت حسيت براحه فضيعه بس ماصاحت بس طلعت صوت خفيف مره خفيف وحطوها على صدري واحاول جاهده فتح عيني الي تلزقت من كثر ماكنت ضاغطه عليها من الدف وبس نص عين وشفتها بس قلبي عورني ليش ماصاحت وشالوها عطوا دكتور الاطفال ومالها صوت خفت وكنت شوي بقوم اشوف وش فيها والدكتور جالس يخيط واقوله وش في بنتي يقول مافيها شي قلت طيب ليش ماصاحت قال ماسمعتيها صاحت وانا مو مقتنعه واناظر في المكان اللي واقفين عندها رجعت قلت له هي شربت مويه قال لا قلت شرقتقال لا مافيها شي ليش خايفه تطمني شوي ويجيبوها عندك وماارتحت الا لمنسمعت صوتها تصيح و جابوها مره ثانيه وبوستها وتطمنت انها مافيها شي ولمن تطمنت على بنتي ابلشت الدكتور كل شوي اقوله خلاص وهو يقول شوي الين خلص وراح


    وشوي الا واحس كانهم دخلوني في فرن ارتفعت حرارتي احس بموت من الحر وعرقت بشكل فضيع لدرجة غرقت المخده و يسولي كمدات ومدري وشو وخلوني تحت الملاحظه يومين والحمد الله طلعت من المستشفى انا بنوتي واليوم لي 8 ايام
    ومعليش على الا طاله
    وعندي سؤال عن الخياطه كيف اعرف انها طاحت انا الحين الحمدالله ماعاد احس فيها زي اول بس مدري الخيوط طاحت ولا لا اللي عنده خبره لاتبخل علي وسلااام




  7. #7
    عضو نشيط الصورة الرمزية كلي عواطف
    تاريخ التسجيل
    04-05-2010
    المشاركات
    52

    رد: قصة ولادتي بالتفصيل الممممللل

    هلا حبيبتي
    لا يقلبي متوجع ابد ماحسيت بالم صح تحسي زي الكهربه
    اذا حط البنج بس مو الم بس تحسي ان في شي دخل رجلك ومايطول الاحساس بس شوي اقل من الثانيه
    بس ابد ماتحسي بالم ابد ابد




  8. #8
    عضو نادي الألف الصورة الرمزية عذب الحياة
    تاريخ التسجيل
    25-05-2010
    المشاركات
    2,452

    رد: قصة ولادتي بالتفصيل الممممللل

    ما شاء الله لا قوة إلا بلله
    ربي يسعدك ويهنيك ولا يخيب ظنك ببنتك
    ويجعلها ربي من الصالحات
    حبيبتي الخياطة أعتقد انها بإذن الله
    طابت بس إيش نوع الخياطة
    أعتقد تجميلية معناها الخيوط ماعت
    وألف مبروك ...


    [IMG][/IMG]


  9. #9
    عضو نشيط الصورة الرمزية كلي عواطف
    تاريخ التسجيل
    04-05-2010
    المشاركات
    52

    رد: قصة ولادتي بالتفصيل الممممللل

    انا اذكر الدكتور قالي بسوي لك خياطه تجميليه تحت الجلد
    بس انا بكر ومااعرف ان الخياطه انواع
    يعني خياطتي مو لازم تحطيح ؟؟




  10. #10
    عضو فعال
    تاريخ التسجيل
    04-09-2010
    المشاركات
    47

    رد: قصة ولادتي بالتفصيل الممممللل

    مبروووووك الله يرزقكم بره


    علاج العقم للرجال لضعف العدد والحركه مجرب ومضمون باذن الله فقط 350 يكفى3شهورلاستفسارعلى الخاص
    [url=http://hh7.net/][/url]
    [url=http://hh7.net/][/url]


    [url=http://hh7.net/][/url]


  11. #11
    عضو نادي الألف الصورة الرمزية NIGHTSMOON83
    تاريخ التسجيل
    14-03-2009
    المشاركات
    3,607

    رد: قصة ولادتي بالتفصيل الممممللل

    الف مبروك والحمدلله على السلامة وربي يكتبلك الاجر بالوقت اللي عشتيه ومدامك مو حاسة بالم بالخياطة معناها شفيتي احمدلله













  12. #12
    عضو نادي الألف الصورة الرمزية زين روحي
    تاريخ التسجيل
    17-12-2009
    المشاركات
    1,175

    رد: قصة ولادتي بالتفصيل الممممللل

    ياحياتي الف مبروك والحمدلله على سلامتك
    وتتربى بعزكم ياااااااارب




  13. #13
    عضونادي الالف
    الصورة الرمزية * أم محمد وملك *
    تاريخ التسجيل
    15-07-2009
    المشاركات
    11,638

    رد: قصة ولادتي بالتفصيل الممممللل

    الف مبروووووووووووووك ربي يخليلك بنتك ويجعلها من الخلف الصالح تعبتي بالولادة الحمدلله كله باجره والخياطه حسب ما كنت بعرف من امي انه الخيوط المفروض تذوب هاد للغرز الداخليه والخارجيه تنزل لحالها واكيد بس ترجعي تكشفي عند الدكتورة بتقلك شو الوضع ولو في شي بتشيله هي عادي اطمني المهم انك مو حاسه بشي


    و لسوف يعطيك ربك فترضى






  14. #14
    ِعضو محترف ومتميز الصورة الرمزية بنت وطنها
    تاريخ التسجيل
    15-08-2009
    المشاركات
    952

    رد: قصة ولادتي بالتفصيل الممممللل

    الف مبرووووووووك




    اللهم تمم لي بخير وعوضني عن اجهاضاتي السابقه اللهك اسالك حسن الخلق والصحه والسلامه



  15. #15
    ِعضو محترف ومتميز الصورة الرمزية غزاويه وافتخر
    تاريخ التسجيل
    09-10-2009
    المشاركات
    545

    رد: قصة ولادتي بالتفصيل الممممللل

    الف مبااارك وتتربي بعزك


    اقتباس المشاركة الأصلية كتبت بواسطة Nour 3eni


+ الرد على الموضوع
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك