منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
النتائج 1 إلى 4 من 4
Like Tree0Likes

الموضوع: طريقع لعمل اللحمه المشويه

  1. #1
    مــــبـــــدع
    تاريخ التسجيل
    05-07-2011
    المشاركات
    296

    طريقع لعمل اللحمه المشويه

    اخوانى الاعضاء اسالكم عن طريقه عمل اللحم المشويه انا جبت شوايه بالكهرباء وزوجى اصر اعمله اللحمه مشويه ومش عارفه التبيله بالله عليكم اللى تعرف منكم تضع ردها بسرعه لانى هعملها اليوم






  2. #2
    عضونادي الالف
    الصورة الرمزية * أم محمد وملك *
    تاريخ التسجيل
    15-07-2009
    المشاركات
    11,638

    رد: طريقع لعمل اللحمه المشويه

    دورتلك بجوجل وهاد اللي طلعلي

    سوال بمنتدى اخر

    السلام عليكم

    لو سمحتوا يا جماعه عايزه اعرف طريقة عمل اللحمة المشوية على شواية كهرباء

    وشكرا


    الجواب:

    السلام عليكم

    بصى ياهدى

    هقولك على الطريقة اللى اعرفها ومجرباها


    بتجيبى شرايح الاستيك ( اللحمة يعنى مش فراخ ) حسب العدد اللى انتى عيزاة

    بس تكون عريضة يعنى مش رقيقة وكمان تكون حمرا والدهون فيها قليلة علشان تبقى صحية

    المهم

    تعملى بقىالتتبيلة

    بصل او توم مفروم

    + خل

    + بهارات بقى زى ماتحبى

    + صويا صوص

    + عصير لمون

    + ممكن كمان الزعتر والاعشاب دى


    تجيبى سرايح اللحم وتحاولى تدقيها شوية كده علشان تطرى وتعملى فيهم فتحات بسيطة كده بالسكينة علشان لما تحطى عليها التتبيلة تقوم تمتصها بسرعة وتتغلل فى كل اجزاء شريحة الللحم

    تسيبى بقى الشرايح بتاعة اللحمة وعليها التتبيلة طول الليل فى التلاجة

    يعنى تجهزى التتبيلة وتحطيها على الشرايح من بليل علشان تشويها تانى يوم

    المهم تجهزى شواية الكهربا وتظبطى الهيتر

    وتحطى ميا وبهارات ولمون متقطع شرايح فى قاع الشواية

    الحكاية دى بتدى طعم برضه للحمة وكمان مش بتخليها تتحرق وبتسطعيضى بيها على الزيت اللى ممكن تدهنى بيه اللحمة عشان متنشفش وتتحرق

    كده بتبقى صحية اكتر

    بتاخدى االشرايح بقى على الجريل اللى هيا يعنى الشواية وكل شوية تقلبيها على جنب عشان تستوى ومتتحرقش

    وتغرزى فيها السكينة عشان تعرفى لو لسه فيها دم يبقى محتاجة تستوى لسه

    وممكن كمان لو فايض عندك شوية تتبيلة تبقى تحطى على الشرايح وهيا بتتشوى تقوم متتحرقش ومتنشفش

    تطفى بقى الشواية

    وفيه حركة حلوة اووووى ممكن تعمليها انك تجيبى فحمة سخنة بعد ما تلفيها فى ورق فويل من تحت وتحطيها وسط اللحمة على الجريل تقوم تديها ريحة الشوى الجميلة دى بس تغطى الشواية على اللى فيها ده

    وتاخدى الشرايح وتقدميها فى طبق

    ممكن تقدميها مع كاتشب وبطاطس محمرة وسلطة كرنب

    وممكن كمان تقدميها مع خضار تكونى شواية زى الكوسة والبروكلى والفلفل والجزر واى خضار بتحبية


    جربيها وقوليلى رئيك


    وهاي من منتدى تاني

    اللحمه المشوية من الاكلات اللذيذة وكلنا بنحبها بس احيانا بتاخد وقت وده بيخلينا نكسل نعملها لكن انا جايبلكم طريقه سريعة وتخلى اللحمه ماتنشفش وطعمها احلى اولا: اللحمه لازم تكون ضانى او كندوز ماتفعش البتلو الطريقة: تجيبوا مقدار اللحمة اللى هتعملوة كيلو اواتنين ويكون متقطع قطع متوسطة مش صغيره وتتبلوة بالبهارات وملح وبصل وثوم وخل وليمون وشوية زيت ومعلقة صلصة او كاتشب وتسبوها نصف ساعة وبعد كده تحطوها زى ماهية بالتتبيل والماية اللى نزلت من التتبيل عادى تسبوها وتحطوها على النارفى صينية او حلة كانكم بتسلقوها بس من غير مية حوالى ربع ساعه اولا هتستوى وهتتشرب التتبيل ومش هتنشف لما تحطوها فى الشواية سواء شواية بالكهربا اوشواية عادية جريل على النار وعلى فكره الطريقة دى مابتخليش اللحمة تكش ومقدارها يقل بتفضل زى ماهيه وجربوا وقولولى


    وهاي للريش

    طريقة تحضير ريش لحم ضانى مشوى على الفحم او شواية كهربائية

    المقادير:
    2 كيلو لحم ريش
    عصير ليمونتين كبيرتين
    1 ملعقة طعام ليمون أسود ناعم أو سماق
    1 ملعقة شاي ملح
    1 ملعقة شاي فلفل أسود
    زيت نباتي
    الطريقة :
    - تغسل الريش ثم توضع في مصفاة وتترك مدة نصف ساعة لينزل ماؤها ثم توضع في طبق زجاج وترش بعصير الليمون وتتبل بالليمون الناعم أو السماق والملح والفلفل الأسود ويترك مدة 6 ساعات على الأقل أو يدخل الثلاجة ليلة قبل الاستعمال.
    - يشعل الفحم في الشواية ثم تغطى الشواية بالشبك المعد للشواء أو الشواية الكهربائية .
    - ترفع قطع الريش من وعاء النقع وترص على صينية ثم تدهن بالزيت بالفرشاة.
    - تشوى القطع على الفحم وتقلب على الوجه الآخر ثم تقدم مع سلطة خضراء أو سلطة طحينة والخبز العربي


    و لسوف يعطيك ربك فترضى






  3. #3
    مشرفة سابقة الصورة الرمزية السُعـ n♥♥rـــودّيَه
    تاريخ التسجيل
    05-10-2009
    المشاركات
    5,506

    رد: طريقع لعمل اللحمه المشويه

    امممممممممممممم


    بصراحه انا احط فلفل اسود مطحوووووون طازه
    وملح فقط لا غير
    البهارات تغير طعم اللحمه ع الشوايه
    واذا لازم تتبيله فيه تتبيلات جاهزه للستيك
    انا تخصص دجـــاج
    وتسلم *أم محمد وملك* ما قصرت
    واتمنى باقي الاعضاء يفيدونك

    موفقه


    عقبال االصبـــايــــــا
    12/12/2012



  4. #4
    مــــبـــــدع
    تاريخ التسجيل
    05-07-2011
    المشاركات
    296

    رد: طريقع لعمل اللحمه المشويه

    تسلمى ياامحمد وملك والله اتعبتك معى جزاكى الله خيرا وشكرلردالسُعـ n♥♥rـــودّيَه
    انا عملتها اليوم وفعلا احمرت وكانت هتتحرق بس مستوتش وجوزى قام جعان كمان كنت عامل مكرونه بالشاميل وباظت بردة والله اسود وجهى اليوم ادامه انا طباخه فاشله




+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك