منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



موضوع مغلق
صفحة 1 من 7 1 2 3 ... الأخيرةالأخيرة
النتائج 1 إلى 15 من 98
Like Tree0Likes

الموضوع: زوجي كرهني وماعاد يبغاني وشكله تزوج علي انا شاكه فيه ساعدوني

  1. #1
    عضو جديد
    تاريخ التسجيل
    24-04-2006
    المشاركات
    20

    زوجي كرهني وماعاد يبغاني وشكله تزوج علي انا شاكه فيه ساعدوني

    ساعدوني زوجي انا حاسه اني انتهيت من حياته مدري ليه عشان اسباب تافهه حصلت بينا

    السبب الاول == هو دايم يجيب لي هدايا كبيره في عيد ميلادي وكنت اتباها عند اهلي وخواتي ولكن يوم جا عيد ميلادي الاخير كانت ظروفه الماديه صعبه شوي وقهرني تخيلو جايب لي في عيد ميلادي ورده وكرت مكتوب عليه كل عام وانتي بخير كان ودي اجيب لك هديه تليق فيك بس ظروفي ماسمحت وانا انقهرت منه ليه انا ماني ناقصه عن خواتي عشان يجيب لي ورده وبصراحه زعلت منه ورميتها عليه وهو طلع زعلان وارسل لي رساله وقال دقي على ابوك يجي ياخذك لاني بسافر بعد شوي جاني عمل ضروري وانا تضايقت ورحت بيت اهلي وتصدقون اكلمه مايرد ولا مقفل جواله لمدة عشرة ايام وبعدها عرفت ليه زعلان وجلست اعتذر له لحد مارجعني وبعدها احس انه تغير علي مايتكلم معي ولا يسولف ولا نطلع سوى ..


    السبب الثاني == اني ماحب الجنس كثير وهو هالكني كثير كل يوم يبي جنس وانا كل ماجاني اقوله تعبانه ولا مالي خلق وعلى هالحال لحد ماطفش مني وقالي اذا ماتبين تعطيني حقي بنات الناس واجد يعطوني حقي ومدري من مدة ثلاث اسابيع قالي بروح اسبوع مع العمل ومن رجع وهو ماجامعني ولا طلب مني مع اني اتزين له بس كنه حجر مايحس ولا يبي يجامعني مدري احس انه تزوج من وراي ساعدوني الله يخليكم


    اختكم الغلا كله




  2. #2
    عضو نادي الألف الصورة الرمزية خبير الحركات
    تاريخ التسجيل
    11-07-2006
    المشاركات
    1,684

    السلام عليكم

    الغلط على الطرفين

    فالسبب الاول انتي الغلطانه

    والسبب الثاني هو غلطان الي انه ماحببك في الحركات والجنس

    فهناك طرق كثيره لجعل المراءه تحب الجنس حتى لو هي تكره




  3. #3
    مــــبـــــدع
    تاريخ التسجيل
    19-07-2006
    المشاركات
    251

    أنتي غلطانه الهديه من الزوج لاتقدر بثمن حتى ولو ورده من حوش بيتكم ؟

    وعيد الميلاد حرام اختي يعني هديه بعيد الفطر وعيد الأضحي في السفر والمواليد أيه

    أما عيلاد ميلاد لا يجوز أختي

    أما الرجل فمن الصعب أن تتمنع عنه زوجته وخاصه أنه يرى أنك ملكه وفعلاً ملكه

    الآن تزوج عليك ثانيه وش استفدتي ؟ هاه جاوبيني




  4. #4
    عضو نادي الألف الصورة الرمزية دانة أهلها
    تاريخ التسجيل
    04-06-2006
    المشاركات
    2,037

    ساعدوني زوجي انا حاسه اني انتهيت من حياته مدري ليه عشان اسباب تافهه حصلت بينا
    اسمحيلي أختي موأسباب تافهه هذي أسباب تخص رجولته وكبريائه وعزة
    نفسه هذا أولاً.....

    جايب لي في عيد ميلادي ورده وكرت مكتوب عليه كل عام وانتي بخير كان ودي اجيب لك هديه تليق فيك بس ظروفي ماسمحت

    هذا وهو كاتب العذر؟؟ ورده تستحقرينها مع ان الورده هي مثال مشرف لكل شيء جميل....
    وفي نظري أجمل هديه بين الزوجين لأنها تعبر عن الحب والرومانسيه والموده...
    وبعدين وين الشهامه ووقفت المره جنب زوجها وتقديرها لظروفه ؟؟؟؟
    المفروض قلتيله هذي أحلى هديه جبتها ووجودك في حياتي أكبر هديه...

    وبصراحه زعلت منه ورميتها عليه وهو طلع زعلان وارسل لي رساله وقال دقي على ابوك يجي ياخذك لاني بسافر
    رميتيها كأنك راميه كل شي حلو بينكم ...وتبينه مايزعل كل شي يهون ولا
    أن الواحد يبذل بكل قوته وبس يجي اليوم الي مايقدرفيه يعطي ...وماينذكر
    له أي شي سواه ويعاقب على غلطه بسيطه وغير مقصوده..وماأشوفها
    غلطه طبعاً....بس انت الله يهداك كسرتي نفسه وهنتيه والرجال يتنازل عن
    كل شي الا كسر هيبته والتصغير من شأنه...
    انا ماني ناقصه عن خواتي عشان يجيب لي ورده
    لاحبيبتي انت موناقصه انت زايده عنهم بوجود زوج مثل زوجك مانساكي
    وجاب لك هديه وهو في أحنك الظروف ...حتى لو كانت بسيطه...

    وجلست اعتذر له لحد مارجعني وبعدها احس انه تغير علي مايتكلم معي ولا يسولف ولا نطلع سوى
    هذي ردت فعل طبيعيه جداً للموقف ....نفسه مكسوره وداخله لما الحين مومسامحك
    اني ماحب الجنس كثير وهو هالكني كثير كل يوم يبي جنس وانا كل ماجاني اقوله تعبانه ولا مالي خلق وعلى هالحال لحد ماطفش مني
    الأعتراف بالحق فضيله....يعني انت السبب بسألك سؤال يعني انت ماتعطينه حقه
    وين يروح ؟؟؟يروح للحرام مثلاً؟؟؟وانت ماتعطينه مرض ولا دلع ولا ايش السبب؟؟
    رجع وهو ماجامعني ولا طلب مني مع اني اتزين له بس كنه حجر مايحس ولا يبي يجامعني مدري احس انه تزوج من وراي ساعدوني الله يخليكم
    يعني مو هذا الي بغيتيه هذا حصل ولا مانعرف قيمة الشي الا لما نفقده؟؟؟
    على العموم كل مافي الأمر زوجك نفسه مكسوره ويحس أنه ذليل وهذا كله
    من امور على كلامك تافهه بس الي ماتعرفينه أن النارالكبيره بدايتها شراره..
    وزوجك إذا استمر في هاالحاله بيتصرف تصرفات طايشه كلا عشان يكسر
    نفسك ويذلك زي ماسويتي له ..أنصحك رجعيه لك مره ثانيه في أقرب وقت
    ودلليه وكلا قوليله كلام ترجع ثقته بنفسه وبحبك له وجلسي معاه جلسة
    مصارحه وقوليله انك ندمانه على الي فات وحاسه بغلطتك ..ولا تملين كل
    يوم تزيني وتكشخي وقابليه بوجه بشوش وكلا حسسيه انه مهم في حياتك
    وانك تحسدين نفسك عليه ..ولا تعاتبينه على شي سواه ..لآنك بتفتحين
    على نفسك باب مايتسكر ...والله يوفقك أن شاالله..


    نأيت عنكم وقلبي لا يطاوعني .... قسرا فمالي عن الأحباب سلوان


  5. #5
    مــــبـــــدع الصورة الرمزية قمر الصحراء
    تاريخ التسجيل
    22-04-2005
    المشاركات
    246

    الموضوع مايبغا له مناقشة انتي غلطانة , ماقدرت زوجك واهانت كرامته, يقدم لكي هداية وفيها اعتذار , وبعد ترميها في وجهه, وين الاحترام والحب بينكم, عشان الهداية كانت وردة, يااختي في نساء تمنى كلمة حلوه من زوجها, وماتلقى عنده, وانتي عشان مره وحدة كانت الهديه في نظرك مو قد المقام , زعلتي ورميتها عليه, اجل احمدي ربك انه ماضربك كف وقال لك كلام جارح,بس خرج من البيت , لازم تعرفي انه يحبك ويقدرك وافتكر يوم ميلادك, وثاني شي الجنس, الرجال مهو غلطان, انت زوجته وكل يوم ترفضي انه يجماعك,والله اذا اتزوج يحق له, مادام انتي مقصرة معاه وش تبين يسوي,عنده زوجه وماتبغى الجنس, اكيد يا راح يتزوج,اويروح بالحرام, او انه يسوي العادة السرية,وان شاءالله مايكون سوا شي من هذه الثلاثه الامور, والحقي زوجك قبل لا يضيع منك,وحاولي دايما انك تعتذري عن الموقف حق عيد ميلادك, وسامحيني يااختي الغلا بس كان لازم اشد عليك بالكلام, لانك فعلا غلطانة, والله يرجعه لك ويوفقك


    انت المميــــــــــز بينـــــــــهم
    دايم تثيـــــــــر جنونــــــــــهم
    أطلب اللـــــــه وارتجـــــــــــيه
    يكفيــــــــــك شر عيونـــــــهم



    قـــــمــــــــر الصــــــحــــراء


  6. #6
    عضو نادي الألف
    تاريخ التسجيل
    21-03-2006
    المشاركات
    1,431



    عاشقة الرمان جميل ردك


    بس انا أبس أتكلم عشان يزيد من الرد رد ويمكن تحس صاحبة المشكلة بالامور التي تفعلها دون ان تدري



    السبب الاول == هو دايم يجيب لي هدايا كبيره في عيد ميلادي وكنت اتباها عند اهلي وخواتي ولكن يوم جا عيد ميلادي الاخير كانت ظروفه الماديه صعبه شوي وقهرني تخيلو جايب لي في عيد ميلادي ورده وكرت مكتوب عليه كل عام وانتي بخير كان ودي اجيب لك هديه تليق فيك بس ظروفي ماسمحت وانا انقهرت منه ليه انا ماني ناقصه عن خواتي عشان يجيب لي ورده وبصراحه زعلت منه ورميتها عليه وهو طلع زعلان وارسل لي رساله وقال دقي على ابوك يجي ياخذك لاني بسافر بعد شوي جاني عمل ضروري وانا تضايقت ورحت بيت اهلي وتصدقون اكلمه مايرد ولا مقفل جواله لمدة عشرة ايام وبعدها عرفت ليه زعلان وجلست اعتذر له لحد مارجعني وبعدها احس انه تغير علي مايتكلم معي ولا يسولف ولا نطلع سوى ..

    أنتي عارفة وش معني هذا السبب التافه اللي أنتي تقولين عنده بنسبة للرجل هذا جرح كبير جداً

    يحس فيه ولا ينساه أبداً ألا إذا أنتي تغيرتي من داخلك وحتى لو ضروفة مو زينة تحمدي ربك أنه جابلك وردة

    وتذكرت فيها

    الهدية يا عزيزتي ليست بقيمتها بل بمعنها وليس مجبور فيها أن يأتيها لكي بل أختيار منه والله يجزاه خير


    وكلمة " كل عام وأنتي بخير " بالدنيا كلها مع أن من الأساس أنه أعياد الميلاد محرمة او غير جائزة مو عارف بالضبط


    والغريب في الأمر عزيزتي من بعد عشرة أيام من عدم الرد عرفتي أنه زعلان لا وبعد وأنتي رامية الورد بوجهه

    والله كبيرة بحقة .

    وعلى فكرة لو أنا مكانة بروح أدور على وحده ثانية أكيد أتمتع بشبابي وأدرو على أنسانة تفهمني وأفهمها

    وتكون قنوعة مو أجيبلها شي ترمية بوجهي <<<<<<< فهمتي كلامي أعتقد


    لا تزعلين منى بس لازم يا عزيزتي تعرفين معني هذا كله ولازم تقدرين الشي ومهما كان فهو زوجك




    السبب الثاني == اني ماحب الجنس كثير وهو هالكني كثير كل يوم يبي جنس وانا كل ماجاني اقوله تعبانه ولا مالي خلق وعلى هالحال لحد ماطفش مني وقالي اذا ماتبين تعطيني حقي بنات الناس واجد يعطوني حقي ومدري من مدة ثلاث اسابيع قالي بروح اسبوع مع العمل ومن رجع وهو ماجامعني ولا طلب مني مع اني اتزين له بس كنه حجر مايحس ولا يبي يجامعني مدري احس انه تزوج من وراي ساعدوني الله يخليكم
    من أبسط حقوق الزوج ممارسة الجنس مع زوجتة

    لكن أن يكون أعتذارك مالي خلق أو تعبانة وأنتي ما فيك شي

    أنتي بكلامك هذا راح يجي أكيد حاله نفسية تحطم الداخل في نفسية زوجك وبكذا أكيد زوجك بيتقبل الأعذار

    لكن كلها سالبة وليست سالبة بنسبة له بس سالبة بممارسة الجنس لكي وإذا مارس الجنس معاك مرة في الشهر

    زين بعد وهذا إذا قدر .


    عزيزتي ...

    والله لا أقول هذا الكلام ألا لمصحتك فأنتبهي لكل كلمة كتبتها

    زوجك لدية واجبات نحوك ونحو بيتة وأولادة وأنتي لديك وجبات نحو زوجك وأولادك فلا تقصري معه بشي


    لنه هذا كله بيكون على راسك وما أسهل على الأنسان أن يكره أو ان يغير وبالحلال

    مشكلتك كلها مزروعة فيك أنتي بيدك تغيرينها من هنا الى الأفضل والاحسن على أن لا " تتغابي " بعلاقتك مع زوجك

    بتتاً وإذا كنتي ليس لديك الخبرة في معاملة زوجك فيوجد من الكتب ما يوجد عن التعامل مع الزوج إذا هذا يهمك طبعاً



    أكتفي بردى الأن وأتمناء وأكرر هذا كله لمصلحتك


    وآسف على الأطاله


    لكي مني كل الود حتى الرضى


    جيت للدنيا كبير وبفارقها كبير ومن رضى ما همني ومن زعل ما همني
    _______
    يموت الجبناء مرات عديدة قبل ان يجي اجلهم
    اما الشجعان فيذوقون الموت مرة واحده


  7. #7
    عضو نادي الألف
    تاريخ التسجيل
    13-07-2004
    المشاركات
    3,532

    اقتباس المشاركة الأصلية كتبت بواسطة الغــ كله ــلا
    ساعدوني زوجي انا حاسه اني انتهيت من حياته مدري ليه عشان اسباب تافهه حصلت بينا
    السبب الاول == هو دايم يجيب لي هدايا كبيره في عيد ميلادي وكنت اتباها عند اهلي وخواتي ولكن يوم جا عيد ميلادي الاخير كانت ظروفه الماديه صعبه شوي وقهرني تخيلو جايب لي في عيد ميلادي ورده وكرت مكتوب عليه كل عام وانتي بخير كان ودي اجيب لك هديه تليق فيك بس ظروفي ماسمحت وانا انقهرت منه ليه انا ماني ناقصه عن خواتي عشان يجيب لي ورده وبصراحه زعلت منه ورميتها عليه وهو طلع زعلان وارسل لي رساله وقال دقي على ابوك يجي ياخذك لاني بسافر بعد شوي جاني عمل ضروري وانا تضايقت ورحت بيت اهلي وتصدقون اكلمه مايرد ولا مقفل جواله لمدة عشرة ايام وبعدها عرفت ليه زعلان وجلست اعتذر له لحد مارجعني وبعدها احس انه تغير علي مايتكلم معي ولا يسولف ولا نطلع سوى ..
    السبب الثاني == اني ماحب الجنس كثير وهو هالكني كثير كل يوم يبي جنس وانا كل ماجاني اقوله تعبانه ولا مالي خلق وعلى هالحال لحد ماطفش مني وقالي اذا ماتبين تعطيني حقي بنات الناس واجد يعطوني حقي ومدري من مدة ثلاث اسابيع قالي بروح اسبوع مع العمل ومن رجع وهو ماجامعني ولا طلب مني مع اني اتزين له بس كنه حجر مايحس ولا يبي يجامعني مدري احس انه تزوج من وراي ساعدوني الله يخليكم
    اختكم الغلا كله


    انا لو مكانة كان يعني ها الحين المسكين ذابح نفسة كل سنة هدية لك ومرة وحدة قصر معك زعلتي طيب انتي وش اهديتيه بعيد ميلادة
    وعلي فكرة انتي كارة الجنس اليوم صدقيني يجيك وقت تتمني زوجك يبوسك غيري طريقة حياتك اذا تبي تستمري معه وبعدين من كلامك باين فيك الغرور


    انا من اجل عيونك عشقة الكون يا فاتنتي




    http://s2.ae.bitefight.org/c.php?uid=90935


  8. #8
    عضو نادي الألف
    تاريخ التسجيل
    09-06-2006
    المشاركات
    1,125

    ابقي على غرورك حتى تخسريه

    لييييييييييه هالغرور هذا؟ شايفة نفسك و ما مصدقة!!!!!!!

    تتغلي على زوجك؟

    خليه ينفعك هذا الغرور

    بدو يترجاكي حتى ياخد منك حقوقه؟

    و انت مبسوطة و مفتخرة بنفسك انك باردة جنسيا؟

    غرور ما بعده غرور...... و اي قرار ياخده زوجك لا يُلام عليه

    اسفة على قساوتي و لكن هذه اول مرة اكون قاسية بالمنتدى

    و لكن قهرتيني ....... فكيف شعور زوجك!!!!!!!!!!!!!!!!!!!!!!




    الارواح جنود مجنده ما اتفق منها ائتلف وما تنافر اختلف


  9. #9
    عضو فعال
    تاريخ التسجيل
    28-07-2006
    المشاركات
    31

    والله انا لومكانه كان طلقتك اللي سويتيه استحقار لزوجك وانتي بنفسك قلتي ان الظروف ظايقه معاه وجاه الله خير عبرك وغيرك مو يتمنى ورده يتمنى كلمه .
    بس الظاهر انك ماديه .


    استسمحي من زوجك واعتذريله وحاولي تبدي صفحه جديد
    زوج زي هذا ماتلاقين زيه .




  10. #10
    عضو فعال الصورة الرمزية (عازف العـود)
    تاريخ التسجيل
    17-07-2006
    المشاركات
    47

    بصراحه انا شفت .. وعشت .. وسمعت

    بس زي هالقصه .. وزي هالوضع .. ما شفت ولا سمعت

    يعني انتي بالله وش تبين بالظبط ؟؟

    الحين الرجال متعني ومتذكر عيد ميلادك وطالع وجاب لك الهديه وكاتب فيها اللي كاتب ... ومعذتر لك وقايل انا ظروفي شوي تعبانه .. وحتى لو ما قال الاسهم الايام هذي ما خلت احد مرتاح ,,,, المفروووض اصلا انك تقولي ليه تجيب هديه ... انت الحين طلع نفسك من الاسهم .. او كمل البيت اذا كان يبني .. يعني بالعربي اكيد انتي عارفه ان الرجال عنده ضائقه ماليه .. المفروووض تساعديه مو ترميها في وجهه ..


    اسمحيلي واعذريني وقدري شعوري في هاللحظه ..

    انتي حرام تكوني انثى .. والكلام معاك مافيه فائده .. لانك بالعربي وعلى بلاطه انسانه ماديه .. انسانه انانيه .. انسانه ما تحبين الا نفسك .. تحبين تستعرضين قدام اخواتك واهلك ..

    فبالتالي .. انا اقول لزوجك اذا هو يسمعني الحين والا يشووف كلامي وردي ..

    تزوج عليها .. واذا يمديك بعد طلقهااا


    معليش هذي وجه نظري .. لانه بصراحه اللي سويتيه ما ينطاااااااااااااااااااااااااااااااااااااااااا ااق .. وخارج عن نطاق الادب


    بس ..


    .
    .
    كُنْ..أَنْتَ..فَقَطْ ..لاَ غَيـْـر..!!
    ليتـ لي قلبِ على فرقاكـ يقوى
    كان ودعتكـ وعجلت الخطاويـ
    لكنـ اللي بالحشا لكـ شي اقوى
    من رحيل ما وراه إلا البلاويـ


  11. #11


  12. #12
    عضو نادي الألف الصورة الرمزية أم نبـأ
    تاريخ التسجيل
    28-07-2006
    المشاركات
    6,256

    السبب الاول == هو دايم يجيب لي هدايا كبيره في عيد ميلادي وكنت اتباها عند اهلي وخواتي ولكن يوم جا عيد ميلادي الاخير كانت ظروفه الماديه صعبه شوي وقهرني تخيلو جايب لي في عيد ميلادي ورده وكرت مكتوب عليه كل عام وانتي بخير كان ودي اجيب لك هديه تليق فيك بس ظروفي ماسمحت وانا انقهرت منه ليه انا ماني ناقصه عن خواتي عشان يجيب لي ورده وبصراحه زعلت منه ورميتها عليه وهو طلع زعلان وارسل لي رساله وقال دقي على ابوك يجي ياخذك لاني بسافر بعد شوي جاني عمل ضروري وانا تضايقت ورحت بيت اهلي وتصدقون اكلمه مايرد ولا مقفل جواله لمدة عشرة ايام وبعدها عرفت ليه زعلان وجلست اعتذر له لحد مارجعني وبعدها احس انه تغير علي مايتكلم معي ولا يسولف ولا نطلع سوى ..


    هههههههههههههه

    اتجننتي رسمي

    في وحدة عاقلة تعمل هييك
    القبلة فقط
    لو قبلني وقال كل عام وانت بخير تسوى عندي الدنيا وما فيها

    رضاه عني
    حنانه وسعادته وحبي
    هو كلو على بعضو هدية من الله علي
    وانتي وردة وكارت ما حبيتيهم
    لانك مدللة امها وايها
    وما تستحملين هييك
    احلى شي هو الورد
    واغلى شي
    وارق شي
    لانه شيء حلو ومعنوي
    وانتي ترميها بوحه
    وتتباهين قدام الناس
    انا اكره هيك سالفات والعلاقات الزوجية لاتخرج للناس كيفما كان نوعها
    حتى في المنتدى الوصف الكثير حرااااااااااااااااام

    وانتي تقولين كل شيء
    عجيب امرك

    اختي استهدي بالرحمان وفكري بعقل وبمنطق
    السبب الثاني == اني ماحب الجنس كثير وهو هالكني كثير كل يوم يبي جنس وانا كل ماجاني اقوله تعبانه ولا مالي خلق وعلى هالحال لحد ماطفش مني وقالي اذا ماتبين تعطيني حقي بنات الناس واجد يعطوني حقي ومدري من مدة ثلاث اسابيع قالي بروح اسبوع مع العمل ومن رجع وهو ماجامعني ولا طلب مني مع اني اتزين له بس كنه حجر مايحس ولا يبي يجامعني مدري احس انه تزوج من وراي ساعدوني الله يخليكم

    تعلمي

    شو انتي من وين
    حبسي الجنس غصبا عليك
    وعرفي كيف تكسبيه
    والبسي حلوو
    وتعطري
    وروحي بوسيه
    واشتريله انتي ورد
    وقوليله بدل الوردة اهديك عشرة بس ارضى عليي
    اعتقد مش متزووج بس يعمل معك اسلوب الحرمان والهجر
    واذا كنتي بنت الاثول لح تروحين وتعتذرين وراسك في الارض وتقولين اله حق عليي حبيبي ونور عيني انا الغلطانة وشو بدك عاقبني

    وخليه يضربك ضري خفيف تبع الرسوم المتحركة
    يعني بالضحك
    واعمليله مساج
    وححمميه بالدوش
    وخليكي ايجابية
    وبلا خرابيط ووجع راس مالو فايدة

    ترى الراجل بيحبك وانتي مو مقدرة ظروفه ابنووب


    اختك




  13. #13
    عضو نادي الألف الصورة الرمزية اوركيد
    تاريخ التسجيل
    08-06-2006
    المشاركات
    1,743

    اتقوا الله
    خفوا عليها شوي
    تلقاها من الرجال والا منكم


    بس بالله مو عيب ترمين وردة بوجهه
    كان خليتيه يروح وارميها في الزباله اذا منتي حقت رومانسية


    يارب
    لاتسلط علينا بذنوبنا
    من لايخافك ولا يرحمنا
    يارب استرنا فوق الأرض وتحت الأرض ويوم العرض
    اللهم افرغ علينا صبرا وتوفنا مسلمين

    =============
    يــرســو بجفني حــرمــان يمــص دمــي
    ويــســتــبــيــح إذا شــاء ابــتـــســـامــاتـي
    عنـــدي أحــاديــث حـزنٍ كيف أسـطرها
    تــضــيــق ذرعـــاً بــي أو فــي عبـاراتــي


  14. #14
    مــــبـــــدع الصورة الرمزية مجنون بس دلوع
    تاريخ التسجيل
    23-07-2006
    المشاركات
    213

    متابع


    ( الشوق ياخذني..)


    الشوق يا خذني لحضرة جنابك
    والدمع طاح ولا لقى له مناديل
    خذني معك لو صفحة في كتابك
    أو ضمني وسط العيون المظاليل
    تدري وش اللي هزني في غيابك
    إنك بعيد وما تجيك إلا المراسيل


  15. #15
    مــــبـــــدع الصورة الرمزية صهيل خيول
    تاريخ التسجيل
    14-07-2006
    المشاركات
    315

    السلام عليكم ورحمة الله وبركاته
    اختي الغاليه
    الله يهديج ويهدي ريلج لما هو خير
    بس السبب الاولاني من حقه انه يزعل منج
    الله يهديج كفايه انه اذكر يوم ميلادج وانت ذكرتي انه قبل ماكان مقصر وياج
    وييب لج احلا الهدايا والله كم تسوا الورده وياها بطاقه بكلام نابع من القلب
    تكفي عن مليون هديه بعدين ترمينها بويهه الصراحه مب حلوه منج يعني المفروض يكون هناك ذوق بالتعامل والله لو انج خذتيها بطيب خاطر وقلتي له فديتك اصلا انت ماكنت تقصر بايام ميلادي لي مرن وانا عارفه ظروفك وبالعكس هذي احلا هديه من بين الهدايا يمكن تكون فيها مصداقية اكثر مب انج تفرينها بويهه ياسبحان الله
    والسبب الثاني عاد الاعضاء ماقصرو الله يهديج انتِ حرمته ومن حقه يتمتع فيج كيف تحرمينه من حقه الشرعي وتذمرين وتمنعينه وماتبينه يسوي لي سواه
    واخر شي اقول الله يهديه لج ويهديج له وترد المياه لمجاريها يارب وحاولي تكسبينه لاتخسرينه
    الله يحفظج
    اختج صهيل خيول


    التعديل الأخير تم بواسطة صهيل خيول; 29-07-2006، الساعة 18:38
    لــــي لمنـــي دفـــا حضنك وغفت عينــي علـــى صــدرك احلــفك لاتوقظــني

    مايفضح اللي حب الا اخر اللحظات
    ............................لامد كفه بالوداع وصد بعيونه
    معاه رايات الاسى وجيشن من العبرات
    .........................وبين الحنايا صهيل خيول محزونه


موضوع مغلق
صفحة 1 من 7 1 2 3 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك