منتدى عالم الحياة الزوجية

هذا المنتدى خاص بالمتزوجين والمقبلين على الزواج وهو أحد مواقع شبكة منتديات !Yahoo مكتوب. ، انضم الآن واكسب المعرفة من أهل الاختصاص واعرض مشاركاتك و تعرف على اصدقاء جدد



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 38
Like Tree2Likes

الموضوع: زوجي شكاك وش الحل؟؟؟؟ بمووووت من الغبنة

  1. #1
    عضو جديد
    تاريخ التسجيل
    05-04-2012
    المشاركات
    5

    زوجي شكاك وش الحل؟؟؟؟ بمووووت من الغبنة

    السلام عليكم

    انا عروس جديدة توي اليوم كملت اسبوع زواج متخيلين اسببببببببببوع بس

    بعد 4 ايام من زواجنا تفاجئت انه يفتش بجوالي وانتوا عارفين الجوال لا يخلو من ارقام مكاتب ولا سواقين او اي رقم يعني جوالي معي من سنين وفيه ارقام اقارب لي

    جاني وهو ثاير ويقول لي وش هالارقام قلت له ارقام سواقين وفي ارقام من جد ناسية مين انا من النوع اللي ما احذف

    بدى يقول اني خاينة وفاجرة ولي علاقات واني متزوجته غطا لعلاقاتي وان رجال واحد مايكفيني انتوا متخيلين كل هالكلام من مجرد ارقام موجودة بجوال اي بنت بالعالم

    حلفت له بدل المرة مليون انه ظالمني وهو مصر اني خاينة لدرجة انه قال بنات الشوارع اشرف مني بعد 4 ايام زواج

    يقول لو انه هامني كنت حذفتهم

    قلت له والله مافكرت وماوصل تفكيري لهالحد وانا لو وراي شر اقلها خليت رقم سري على جوالي ولا رميته كذا قدامك

    قال هذي لعانة منك تبين تحرقين دمي وتقهريني عشان اشوفهم

    وبدى يتمادى ويتصور اني بسوي علاقه مع اخوه متخيللللللللللللين

    وصار يقول لي اعترفي انك على علاقة فيهم وانا اسامحك وافتح معك صفحة جديدة قلت وشلون اعتررررف بشي انا ماسويته وبريئة منه

    انا وصلت لمرحلة الانهيار وجابني لبيت اهلي واهلي ودوني المستشفى واعطوني ابره مهدئة هذا كله وانا ماكملت اسبوع زواج

    ابي اعرف وش اسوي وش الحل نفسيتي تعبت حيللللللل وانا سبق لي تجربة زواج قبل كذا وانفصلت يعني انفصال للمرة الثانية مو هينة على نفسيتي

    ياررررررررررررررررررررب يافارج الهم وياكاشف الغم فرج همي ويسر امري وارحم ضعفي وقلة حيلتي وارزقني من حيث لا احتسب يارب العالمين


  2. #2
    [COLOR= #B22222]عضو نادي الألف[/COLOR] الصورة الرمزية مستشار فله
    تاريخ التسجيل
    11-09-2011
    المشاركات
    3,109

    رد: زوجي شكاك وش الحل؟؟؟؟ بمووووت من الغبنة

    والله مدري والله مدري
    السالفه ماهي تسذا بس عطينا التفاصيل تسان هنا تفاصيل

    ماعليه عجزت استوعب ان شالله تلاقين من يفيدتس


    شخـصيتي من غرابتها وطيــبـتهـا

    كـن الــزمن في تحدي بينها وبيـنـي





  3. #3
    عضو نادي الالف الصورة الرمزية الصمت كبرياء
    تاريخ التسجيل
    01-07-2006
    المشاركات
    2,966

    رد: زوجي شكاك وش الحل؟؟؟؟ بمووووت من الغبنة

    اختي اماني

    انتبهي من زوجك لايكتب اسمك وفجاء يجينا هينا وخايف ارد ... ويقولك تعرفني


    اذ كان هذا اولة ينعاف تالية

    اذ كان هذا اولة ينعاف تالية

    اذ كان هذا اولة ينعاف تالية

    فهمتي وش اقصد

    وبخصوص انك مطلقة الحمدالله والشكر شايله هم هالناس ...
    عيشي ببيتكم معززة ومكرمة ... ولاتعيشي مذله ومهانة


    http://ask.fm/anatami


    ^
    ^
    اي سؤال بخاطرك


    http://temi.arabform.com

    ^
    ^
    لمراسلتي


  4. #4
    ِعضو محترف ومتميز الصورة الرمزية دمعة الماسه
    تاريخ التسجيل
    02-06-2011
    المشاركات
    643

    رد: زوجي شكاك وش الحل؟؟؟؟ بمووووت من الغبنة

    زوجج مريض بالشك يباله علاج نفسيلانه يتهمج ويشك بأهله وأخوانه


    اوه مستشار فله من وين طالعة الشمس اليوم غريبه ماتبين






  5. #5
    عضو نادي الالف
    تاريخ التسجيل
    29-11-2011
    المشاركات
    7,208

    رد: زوجي شكاك وش الحل؟؟؟؟ بمووووت من الغبنة

    الله يعيينك حبيبتي
    زوجك شكله فااصل خالص استغفر الله
    مريض بالشك
    ليته مير جاامل شووي دامك عروس الله يهديييه
    ،،،،،،
    اي والله مستشار فله
    وينك غايب
    صاير ماتنشاااف ،، عسى ماشر




  6. #6
    [COLOR= #B22222]عضو نادي الألف[/COLOR] الصورة الرمزية 00dafodel
    تاريخ التسجيل
    13-01-2012
    المشاركات
    3,459

    رد: زوجي شكاك وش الحل؟؟؟؟ بمووووت من الغبنة

    يعني يامال الغنيمه ارقام مكاتب وسواويق وشوله
    تشتغلين معقب أنتي ؟

    يعني انتي ماخذه زوجك ومعاه ضمان من الشركه انه ضد الشك؟
    وكبرتي المخده ونمتي ؟
    الله يهيدكم بس عموما مادري فيه مبالغات شوي من ناحية ردات الفعل
    مقابل تساهلك بالي تحطينه قدام زوجك ...
    على العوم الله يصلح حالك وحال كل مسلم ومسلمه .
    وذكرتيني بسالفه يمكن تنفعك
    زوجي ولله الحمد والمنه مهوب شكاك كنت معاه بالسياره مره
    ويدق جوالي ويطالع الرقم الا مكتوب السوري !!!
    قال وشو سوريه
    قلت وحده تصلح مراصيع وموصيتها
    قال سميها غير اسم السوري الصراحه مريب ...
    يعني الرجال شكاك أو مو شكاك ماتتعاملين معاه بالبركه يعني جنبي نفسك الشبه والريبه مو تطبين فيها وتبينه يقول عادي.؟


    - سَأبقى كآلععطر . . 'ألفت الإنتبآإه منْ غغير ضجِيج =$ -


  7. #7
    عضو نادي الالف الصورة الرمزية اسـيل
    تاريخ التسجيل
    21-03-2012
    المشاركات
    13,242

    رد: زوجي شكاك وش الحل؟؟؟؟ بمووووت من الغبنة

    الله يعيينك عليه
    كل شي الاالشك المشكله ماله علاج راح يستمر بشكه حتى لوكنتي بريئه وعفيفه ماكلمتي احد..
    اتوقع ان زوجك له سوابق ولا ليش يشك فيك ويقتش جوالك هذي اسمها خصوصيات ماله حق يطلع عليها
    قولي له كلن يرى الناس بعين طبعه
    واذا طلقك رح تكون خيره لك ربي يعوضك خيير منه
    موفقه




  8. #8
    عضو نادي الألف الصورة الرمزية λňfąŝεℓωẳяяđ ♪
    تاريخ التسجيل
    14-09-2010
    المشاركات
    9,471

    رد: زوجي شكاك وش الحل؟؟؟؟ بمووووت من الغبنة

    يؤيؤ ..!

    مامداكم تزوجون .. يادافع البلاء قام يسب ويطعن بالشرف والتربيه من اولها ..!

    هذا منتهي وخالص الله يصبرك عليه .. اذا كل بنت بموبايلها ارقام محلات وارقام سواويق ومطاعم وووو.... صارت لعابه وراعيه علاقات ..!!

    لاعز الله بتظلمون نص بنات الكوون وتشيلون ذنبهم ..!

    زين مير انكم نبهتوني عشان أغير اسماء الاشخاص اللي عندي واكتب تقرير مفصل عند كل واحد ووشو من لحيه ووظيفته بالحياه << ياربي لاتعاقبني ولا تبلاني بس

    بصراحه كل شي ينبلع الا الشخص الشكاك .. يسووود عيشتك ويكرهك فيها ..بس مافي داعي للطلاق عشان هالخصله السيئه اللي فيه ..~

    كلمي ابوك او اخوك يوقفونه عند حده دامك عارفه تربيتك ماعليك منه ولا يهز فيك شعره ..~

    وياخذون منه وعد وعهد مايتعرض لك ويألف من راسه بشي ماهو فيك ويقصر الشر ..~

    بالتوفيق حبيبتي ..~




  9. #9
    عضو جديد
    تاريخ التسجيل
    05-04-2012
    المشاركات
    5

    رد: زوجي شكاك وش الحل؟؟؟؟ بمووووت من الغبنة

    كل اللي قلته صار بكل التفاصيل مافي شي خبيته هذا اللي صار بالضبط

    واليوم اخوي كلمه ومصر على رايه فهمه اخوي انها ارقام لاتعني شيء مصر اني خاينة اخرها اخذت انا الجوال من اخوي وكلمته قلت له ليش تقول عني كذا رد وقال انتي ماتسوين ظفري

    بغييييييييييييت اموت يوم قالها شلون شخص فجأة يتغير من حال الى حال

    مستحيل هذا الشخص اللي تزوجته من ارقام خرابيط خلني بنت شوارع وداشرة وما اسوى ظفره

    اكتشفت انه مريض نفسي وله شخصيتين ابدا مو طبيعي

    وين راحت حنيته ايام الملكة وش اللي صار انا حيل مشتتتتتتتته اكلمكم ودموعي بعيني واحس كلي يرجف

    ياااااااااااااااااااااااااررررررررررررررب


  10. #10
    عضو نادي الألف
    تاريخ التسجيل
    05-03-2011
    المشاركات
    19,963

    رد: زوجي شكاك وش الحل؟؟؟؟ بمووووت من الغبنة

    يادافع البلا انا مثلتس واثقه وداخله على شكاك حتى الاتصالات تتصل بي منشان النت وهيك قال هذا خط النعيريه انتي من تكلمين وخذا جوالي عند اهله واتصل وجلس فتره ثمن جابه وهو عينه بارده العمااااا على كذا مرجله !! اما قولته اعترفي يخسي ويعقب مريض وخايس الشريفه العزيزه تجزع من هالرخمه وتخلي واليها يتصرف معه ان تسنع واعتذر ترجعله ولا تخلعه مثل الجزمه !!




  11. #11
    عضو نادي الألف
    تاريخ التسجيل
    05-03-2011
    المشاركات
    19,963

    رد: زوجي شكاك وش الحل؟؟؟؟ بمووووت من الغبنة

    انا مثلتس لاني مسئوله في بيت اهلي ارقام السواقين والبقالات والخياطين والصوالين وكل ناسي قريب ومعارف فيه ليه اغيره دامني واثقه من نفسي وهو رقمي من زمان !! شوفي حبيبتي ترا هذي هزه من الله حتن تبين الخوافي ومصيرها تبان والخيره فيما يكتبه الله سبحانه والحق لابد يبان ...




  12. #12
    عضو نادي الألف
    تاريخ التسجيل
    05-03-2011
    المشاركات
    19,963

    رد: زوجي شكاك وش الحل؟؟؟؟ بمووووت من الغبنة

    لاوصيك بعد كلي موانع حمل حتى ماترتبطين فيه ببزر كانه مريض نفسي اذا ناويه ترجعين :/




  13. #13
    عضو جديد
    تاريخ التسجيل
    05-04-2012
    المشاركات
    5

    رد: زوجي شكاك وش الحل؟؟؟؟ بمووووت من الغبنة

    اصلا هو تفاجئت يقول لي مابي اطفال الا بعد سنتين
    هو مو واثق من نفسه
    ويقول لو صرت ما اجيب عيال بتتركيني؟

    حتى بعلاقته معي يحاول انه يسوي الشي اللي مايسبب حمل

    بس رجعة شكلها مافيه هو قطع كل الحبال


  14. #14
    [COLOR= #B22222]عضو نادي الألف[/COLOR] الصورة الرمزية Dew drops
    تاريخ التسجيل
    17-02-2009
    المشاركات
    25,902

    رد: زوجي شكاك وش الحل؟؟؟؟ بمووووت من الغبنة

    ياحليلك ماشفتي شي ههههه ياما حتشوفين مشاكل ووجع راس بس مشكلتك هذي بسيطه وطبيعي الي سواها حطي نفسك بمكانه تفتشي جواله وتلاقي ارقام بنات !!! حتى لو قلك شغالات مابتصدقينه وانتي غلطانه المفروض تروحي تعتذري له وتمسحي ارقام السواقين وتكبرين عقلك تقبلي مروري


    (سبحانك اللهم وبحمدك اشهد ان لااله الا انت استغفرك واتوب اليك اتمنى للجميع التوفيق )


  15. #15
    عضو نادي الألف
    تاريخ التسجيل
    05-03-2011
    المشاركات
    19,963

    رد: زوجي شكاك وش الحل؟؟؟؟ بمووووت من الغبنة

    اماني خذي الحذر بالموانع وبس الين تشوفين اقصاه هو رجال يرتكا عليه ولا خيبه تخيب مجناه ؟؟

    هو مطلق سابقا ؟؟




+ الرد على الموضوع
صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك